വേങ്ങര> കോയമ്പത്തൂർ വച്ചുണ്ടായ ബൈക്ക് അപകടത്തിൽ വേങ്ങര അച്ചനമ്പലം സ്വദേശിയായ യുവാവ് മരിച്ചു. അച്ചനമ്പലം മച്ചിങ്ങൽ, ആലുങ്ങൽ അബ്ദുൽകരീമിന്റെ മകൻ റഫീഖ് (33) ആണ് മരിച്ചത്. തിങ്കളാഴ്ച രാവിലെ ഏഴോടെ അവിനാശിക്കും കോയമ്പത്തൂരിനും ഇടയിലായിരുന്നു അപകടം.
ഈ റോഡിലെ പാർട്ട്ണർഷിപ്പ് സ്ഥാപനമായ ഫ്രൻസ് ബേക്കറിയിൽ നിന്നും സുഹൃത്തുമൊപ്പം നാട്ടിലേക്കു വരുന്ന വഴി മറ്റൊരു ബൈക്കിലിടിച്ച് അപകടത്തിൽ പൊടുകയായിരുന്നു. സഹയാത്രികൻ കാര്യമായ പരിക്കുകളില്ലാതെ രക്ഷപ്പെട്ടു. കോവൈ മെഡിക്കൽ കോളേജ് മോർച്ചറിയിലാണ് മൃതദേഹം. നടപടികൾ പൂർത്തീകരിച്ച് ചൊവ്വാഴ്ച വൈകുന്നേരത്തോടെ അച്ചനമ്പലം ജുമാ മസ്ജിദിൽ ഖബറടക്കും.
ഉമ്മ: സുഹ്റ. ഭാര്യ: ഫാത്തിമത്തുൽ ബിൻസിയ. മക്കൾ: ദിൽഷാ ഫാത്തിമ്മ , മുഹമ്മദ് കെൻസ്.സഹോദരങ്ങൾ: ഇസ്മായിൽ, സാദീഖ് സൽമാൻ , ഹസ്ന, ഫായിഷ.
