ബാലുശേരി> സംസ്ഥാന പാതയിൽ ഉള്ളിയേരി 19ൽ കാർ സ്കൂട്ടറിലിടിച്ച് യുവാവ് മരിച്ചു. കൊയിലാണ്ടി കോതമംഗലം ശ്രീവത്സം വിൻരൂപ് ആണ് മരിച്ചത്. സ്കൂട്ടറിൽ കൂടെയാത്ര ചെയ്ത കാവിലുംപാറ സ്വദേശി വിപിൻ സുരേഷിനെ ഗുരുതര പരിക്കുകളോടെ മൊടക്കല്ലൂർ മലബാർ മെഡിക്കൽകോളേജിൽ പ്രവേശിപ്പിച്ചു.
കാർ നിയന്ത്രണം വിട്ട് മതിലിടിച്ചതിനു ശേഷം സ്കൂട്ടറിലിടിക്കുകയായിരുന്നെന്നാണ് നാട്ടുകാർ പറയുന്നു. കാറിലുണ്ടായിരുന്ന നാല് പേർക്കും പരിക്കുണ്ട്. ഇവരെയും മലബാർ മെഡിക്കൽ കോളേജ് ആശുപത്രിയിൽ പ്രവേശിപ്പിച്ചു.
