തിരുവനന്തപുരം
സൗജന്യ ഓണക്കിറ്റ് വിതരണത്തിന്റെ സംസ്ഥാനതല ഉദ്ഘാടനം തിങ്കൾ വൈകിട്ട് നാലിന് അയ്യൻകാളി ഹാളിൽ മുഖ്യമന്ത്രി പിണറായി വിജയൻ നിർവഹിക്കും. ജില്ലാകേന്ദ്രങ്ങളിൽ ജനപ്രതിനിധികൾ ഉദ്ഘാടനം ചെയ്യുമെന്ന് ഭക്ഷ്യമന്ത്രി ജി ആർ അനിൽ വാർത്താസമ്മേളനത്തിൽ പറഞ്ഞു. തുടർന്നുള്ള ദിവസങ്ങളിൽ റേഷൻ കാർഡുടമകൾക്ക് കിറ്റ് ലഭിക്കും. 14 ഇനമാണുള്ളത്. സപ്ലൈകോ സംസ്ഥാനത്തുടനീളം ഓണം ഫെയറുകളും സംഘടിപ്പിക്കും. സംസ്ഥാനതല ഉദ്ഘാടനം 26ന് വൈകിട്ട് അഞ്ചിന് പുത്തരിക്കണ്ടം മൈതാനത്ത് മുഖ്യമന്ത്രി നിർവഹിക്കും
അരികിലെത്തും
ക്ഷേമസ്ഥാപനങ്ങളിൽ പൊതുവിതരണ വകുപ്പിലെ ഉദ്യോഗസ്ഥർ സൗജന്യ ഭക്ഷ്യക്കിറ്റുകൾ എത്തിക്കും. നാലുപേർക്ക് ഒന്ന് എന്ന നിലയിലാണ് വിതരണം. 890 ക്ഷേമസ്ഥാപനത്തിലായി 37,634 പേരാണ് ഗുണഭോക്താക്കൾ. സംസ്ഥാനത്തെ 119 ആദിവാസി ഊരിലും ഉദ്യോഗസ്ഥർ കിറ്റെത്തിക്കും.
