മലപ്പുറം> സംസ്ഥാന സുബ്രതോ കപ്പ് ഫുട്ബോൾ ചാമ്പ്യൻഷിപ്പിൽ മലപ്പുറം ജേതാക്കൾ. കോഴിക്കോടിനെ മൂന്ന്- പൂജ്യത്തിന് പരാജയപ്പെടുത്തിയാണ് മലപ്പുറം ജയിച്ചത്. മലപ്പുറത്തിന് വേണ്ടി അമൽ ഷൈൻ, അദ്നാൻ, അക്ഷയ് എന്നിവർ ഗോൾ അടിച്ചു. മലപ്പുറത്തിന് വേണ്ടി എംഐസി ഇംഗ്ലീഷ് മീഡിയം സ്കൂൾ അത്താണിക്കലും കോഴിക്കോടിനു വേണ്ടി സാമൂതിരി എച്ച് എസ് തളി സ്കൂളുമാണ് മത്സരിച്ചത്.
വിജയികൾക്ക് സംസ്ഥാന സ്കൂൾ സ്പോർട്സ് ഓർഗനൈസർ അനീഷ് വിജയൻ ട്രോഫി നൽകി. സി സുരേഷ്, ആർ കെ ബിനു, കെ മജീദ്, വി രൺജിത്ത്, മുഹമ്മദ് ശരീഫ്, മുജീബ് തുടങ്ങിയവർ പങ്കെടുത്തു. ദേശീയ സുബ്രതോ ഫുട്ബോൾ ടൂർണെമെന്റിൽ കേരളത്തിനു വേണ്ടി എം ഐ സി ഇംഗ്ലീഷ് മീഡിയം സ്കൂൾ അത്താണിക്കൽ പങ്കെടുക്കും.
