കൊച്ചി> താരസംഘടനയായ അമ്മയുടെ സെക്രട്ടറി ഇടവേള ബാബുവിനെതിരേ നടനും എംഎല്എയുമായ ഗണേഷ് കുമാര്. ഇടവേള ബാബു മാപ്പ് പറയണമെന്നും ദിലീപ് രാജിവച്ചപോലെ വിജയ് ബാബു രാജിവയ്ക്കണമെന്നും അദ്ദേഹം അഭിപ്രായപ്പെട്ടു. നടന് ഷമ്മി തിലകനെതിരേയുള്ള നടപടിയിലും ഗണേഷ് കുമാര് പ്രതിഷേധിച്ചു.
അതിജീവിത പറയുന്ന കാര്യങ്ങള് സംഘടന ശ്രദ്ധിക്കണമെന്നും സംഘടന മറുപടി നല്കണമെന്നും ഗണേഷ് കുമാര് ആവശ്യപ്പെട്ടു.ആരോപണ വിധേയന് നിരവധി ക്ലബുകളില് അംഗമാണെന്ന് അമ്മ പറയുന്നത് ആര്ക്ക് വേണ്ടി. ക്ലബ് ആണെന്ന് ഇടവേള ബാബു പറഞ്ഞപ്പോള് പ്രസിഡന്റിന് തിരുത്താമായിരുന്നു. അമ്മ ചാരിറ്റബിള് സൊസൈറ്റിയാണ് ,ക്ലബ് അല്ല- ഗണേഷ് കുമാര് പറഞ്ഞു.
ആരോപണ വിധേയന് ഗള്ഫിലേക്ക് പോയപ്പോള് ഇടവേള ബാബു ഒപ്പമുണ്ടായിരുന്നുവെന്ന് ആരോപണമുണ്ടായിരുന്നതായും ഗണേഷ് പറഞ്ഞു
