പെട്ടിക്കട കൊള്ളയടിക്കുന്നത് എന്തിന്? രാഹുല്‍ ഗാന്ധിയുടെ ഓഫീസ് ആക്രമണത്തെ പരിഹസിച്ച് കെ സുരേന്ദ്രന്‍

രാഹുല്‍ ഗാന്ധി എംപിയുടെ കല്‍പ്പറ്റയിലെ ഓഫീസിന് നേരെ നടന്ന ആക്രമണത്തെ പരിഹസിച്ച് ബിജെപി സംസ്ഥാന അധ്യക്ഷന്‍ കെ സുരേന്ദ്രന്‍. ബാങ്ക് കൊള്ളയടിച്ചുവെന്ന് കേട്ടിട്ടുണ്ടെന്നും പെട്ടിക്കട എന്തിനാണ് കൊള്ളയടിക്കുന്നതെന്നും കെ സുരേന്ദ്രന്‍ ചോദിച്ചു. ആലപ്പുഴയില്‍ മാധ്യമ പ്രവര്‍ത്തകരോട് സംസാരിക്കുകയായിരുന്നു അദ്ദേഹം. യഥാര്‍ഥ പ്രശ്‌നങ്ങളില്‍ നിന്നും ശ്രദ്ധ തിരിക്കാനുള്ള ശ്രമമാണിതെന്നും സുരേന്ദ്രന്‍ ആരോപിച്ചു.