തിരുവനന്തപുരം> സംസ്ഥാനത്ത് കാലവര്ഷം ശക്തിപ്പെട്ടു. ആറ് ജില്ലകളില് ഇന്ന് യെല്ലോ അലര്ട്ട് പ്രഖ്യാപിച്ചിട്ടുണ്ട്. ആലപ്പുഴ, കോട്ടയം, എറണാകുളം, ഇടുക്കി, മലപ്പുറം, കോഴിക്കോട് ജില്ലകളിലാണ് ഇന്നു യെല്ലോ അലര്ട്ട് പ്രഖ്യാപിച്ചത്.
വെള്ളിയാഴ്ച വരെ ഒറ്റപ്പെട്ട സ്ഥലങ്ങളില് കനത്ത മഴയ്ക്കു സാധ്യതയുണ്ടെന്ന് കാലാവസ്ഥാ നിരീക്ഷണകേന്ദ്രം അറിയിച്ചു. നാളെ മുതല് വെള്ളിയാഴ്ച വരെ കേരള, കര്ണാടക തീരങ്ങളില് കാറ്റിന്റെ വേഗം ചില അവസരങ്ങളില് മണിക്കൂറില് 50 കിലോമീറ്റര് വരെ ആകാന് സാധ്യതയുള്ളതിനാല് മത്സ്യത്തൊഴിലാളികള് കടലില് പോകരുതെന്നും കാലാവസ്ഥാ കേന്ദ്രം മുന്നറിയിപ്പു നല്കി.
കോട്ടയം, എറണാകുളം, ഇടുക്കി, തൃശൂര്, മലപ്പുറം, കോഴിക്കോട് ജില്ലകളില് നാളെയും എറണാകുളം, ഇടുക്കി, തൃശൂര്, മലപ്പുറം, കോഴിക്കോട് ജില്ലകളില് വ്യാഴാഴ്ചയും യെല്ലോ അലര്ട്ട് പ്രഖ്യാപിച്ചു
