പാരമ്പര്യ വൈദ്യന്റെ കൊലപാതകം: മുഖ്യപ്രതിയുടെ ഭാര്യയെ കേസിൽ ഉൾപ്പെടുത്തില്ലെന്ന് പോലീസ്

കൊച്ചി> പാരമ്പര്യ വൈദ്യൻ ഷാബാ ഷെരീഫ് കൊലപാതകക്കേസിൽ അറസ്റ്റിലായ മുഖ്യപ്രതി അഷറഫിന്റെ ഭാര്യ ഫസ്നയെ നിലവിൽ കേസിൽ ഉൾപ്പെടുത്താൻ ഉദ്ദേശിക്കുന്നില്ലെന്ന് പോലീസ് ഹൈകോടതിയെ അറിയിച്ചു. ഇവരുടെ മുന്കൂര് ജാമ്യാപേക്ഷ പരിഗണിക്കുമ്പോഴാണ് പോലീസ് ഇക്കാര്യം അറിയിച്ചത്. തുടര്ന്ന് മുൻകൂർ ജാമ്യാപേക്ഷ ഹൈക്കോടതി തീര്പ്പാക്കി.