ആലപ്പുഴ> പോപ്പുലര് ഫ്രണ്ട് റാലിക്കിടെ വിദ്വേഷ മുദ്രാവാക്യം വിളിച്ച സംഭവത്തില് പൊലീസ് കേസെടുത്തു. കുട്ടിയെ കൊണ്ട് വര്ഗീയ മുദ്രാവാക്യം വിളിപ്പിച്ചെന്നാണ് കേസ്. ഒരാളുടെ തോളിലേറി ചെറിയകുട്ടി മുദ്രാവാക്യം വിളിച്ച് കൊടുക്കുന്ന വീഡിയോ സമൂഹമാധ്യമങ്ങളിലൂടെ പ്രചരിച്ചിരുന്നു. ഇതിന് പിന്നാലെയാണ് പൊലീസ് കേസെടുത്തത്.
‘അരിയും മലരും വാങ്ങിച്ച് വീട്ടില് കാത്തു വച്ചോളൂ…. കുന്തിരിക്കം വാങ്ങിച്ച് വെച്ചോളൂ…. വരുന്നുണ്ടെടാ വരുന്നുണ്ടെടാ.. നിന്റെയൊക്കെ കാലന്മാര്’- എന്നിങ്ങനെ തുടങ്ങുന്ന മുദ്രാവാക്യമാണ് പോപ്പുലര് ഫ്രണ്ട് പ്രവര്ത്തകന്റെ തോളിലിരുന്ന് കുട്ടി വിളിക്കുന്നത്. വിവിധ മത വിഭാഗങ്ങളെ വെല്ലുവിളിക്കുന്ന മുദ്രാവാക്യത്തിനെതിരെ പൊലീസ് അന്വേഷണം ഊര്ജ്ജിതമാക്കി.
