തിരുവനന്തപുരം> സംസ്ഥാനത്ത് ഇന്ന് വൈകുന്നേരം 15 മിനിറ്റ് വൈദ്യുതി നിയന്ത്രണം ഏര്പ്പെടുത്തുമെന്ന് കെഐസ്ഇബി അറിയിച്ചു.നഗരപ്രദേശങ്ങളിലും അവശ്യസേവന സ്ഥലങ്ങളിലും നിയന്ത്രണം ഉണ്ടാകില്ലെന്നും അധികൃതര് വ്യക്തമാക്കി
6.30 മുതല് 11.30 വരെയുള്ള സമയത്തിനിടെയായിരിക്കും നിയന്ത്രണം.നിയന്ത്രണം രണ്ടു ദിവസത്തേക്ക് നീണ്ടേക്കുമെന്നും സൂചനയുണ്ട്.രാജ്യത്ത് നിലനില്ക്കുന്ന കല്ക്കരി ക്ഷാമം മൂലം താപനിലയങ്ങളില് വൈദ്യുതി ഉല്പാദനം കുറഞ്ഞതാണ് നിയന്ത്രണത്തിന് കാരണമായത്.
വൈദ്യുതി ലഭ്യത കുറഞ്ഞതോടെ മറ്റ് ചില സംസ്ഥാനങ്ങള് ദിവസം ഒരു മണിക്കൂര് വൈദ്യുതി നിയന്ത്രണം ഏര്പ്പെടുത്തി തുടങ്ങിയിട്ടുണ്ട്.ഇന്ന് 4,500 മെഗാവാട്ട് വൈദ്യുതി ഉപയോഗമാണ് സംസ്ഥാനത്ത് പ്രതീക്ഷിക്കുന്നത്. ഇതില് 135 മെഗാവാട്ടിന്റെ കുറവുണ്ടാകുമെന്നാണ് കണക്കാക്കുന്നത്. ഇതാണ് നിയന്ത്രണത്തിലേക്ക് പോകാന് കാരണമായത്.
