കൊച്ചി> നിരവധി സിനിമകളിൽ ഒന്നിച്ചുപ്രവർത്തിച്ച ജോണ് പോളിനെ അവസാനമായി ഒരുനോക്ക് കാണാന് മമ്മൂട്ടിയെത്തി. ജോണ് പോള് മലയാള സിനിമയ്ക്ക് നല്കിയ സംഭാവനകള് വിലമതിക്കാനാവാത്തതാണെന്ന് മമ്മൂട്ടിപറഞ്ഞു. അദ്ദേഹത്തിന്റെ വിയോഗം ഏറെ സങ്കടകരവുമാണെന്നും മമ്മൂട്ടി പറഞ്ഞു.
മമ്മൂട്ടിയുടെ സിനിമാ ജീവിതത്തില് നിരവധി ഹിറ്റുകള് സമ്മാനിച്ച തിരക്കഥകള് ജോണ് പോളിന്റേതായിരുന്നു. ഇത്തിരിപ്പൂവേ ചുവന്ന പൂവേ, കാതോട് കാതോരം, അസ്ത്രം, അവിടത്തെപ്പോലെ ഇവിടയും, അതിരാത്രം, ഇനിയും കഥ തുടരും, ഒന്നാണ് നമ്മള് തുടങ്ങി മമ്മൂട്ടിയുടെ കരിയറിലെ നിരവധി ഹിറ്റുകള് സമ്മാനിച്ചത് ജോണ് പോളായിരുന്നു. ജോൺപോൾ തിരക്കഥയെഴുതിയ യാത്ര മമ്മൂട്ടിക്ക് സിനിമാ മേഖലയിൽ ഒരു വഴിത്തിരിവായിരുന്നു.
അമരത്തിലെ അച്ചൂട്ടിയും തനിയാവര്ത്തനത്തിലെ ബാലന് മാഷും മമ്മൂട്ടിക്കായി ഒരുക്കിയത് ജോൺപോളാണ്.
