നൗകാമ്പ്
സാവിക്കുകീഴിൽ ബാഴ്സലോണയുടെ മുന്നേറ്റം തുടരുന്നു. സെവിയ്യയെ ഒരു ഗോളിന് തോൽപ്പിച്ച് സ്പാനിഷ് ലീഗ് പോയിന്റ് പട്ടികയിൽ രണ്ടാംസ്ഥാനത്തേക്ക് മുന്നേറി. പെഡ്രിയുടെ ഗോളിലായിരുന്നു ബാഴ്സയുടെ കുതിപ്പ്.
ഒന്നാമതുള്ള റയൽ മാഡ്രിഡിനെക്കാൾ 12 പോയിന്റ് പിന്നിൽ. ഒരു മത്സരം കുറവാണ് ബാഴ്സയ്ക്ക്. ആദ്യപകുതി ഗോൾരഹിതമായിരുന്നു. രണ്ടാംപകുതിയിൽ പെഡ്രി ബാഴ്സയെ മുന്നിലെത്തിച്ചു. മനോഹര ഗോളായിരുന്നു പത്തൊമ്പതുകാരന്റേത്.
