ബ്രസീലിന്‌ റെക്കോഡ്‌, 
അർജന്റീനയ്‌ക്ക്‌ സമനില

സാവോപോളോ
തോൽവിയറിയാതെ ബ്രസീലും അർജന്റീനയും കുതിച്ചു. ലാറ്റിനമേരിക്കൻ യോഗ്യതാ മത്സരത്തിൽ ബൊളീവിയയെ നാലുഗോളിനാണ് ബ്രസീൽ തുരത്തിയത്. റിച്ചാർലിസൺ ഇരട്ടഗോൾ നേടി. ലൂകാസ് പക്വേറ്റ, ബ്രൂണോ ഗിമറെസ് എന്നിവരും ലക്ഷ്യംകണ്ടു. നെയ്മർ ഇറങ്ങിയില്ല. പതിനേഴ് കളിയിൽ 45 പോയിന്റാണ് ടിറ്റെയുടെ സംഘം നേടിയത്. ഇത് റെക്കോഡാണ്.
അർജന്റീന ഇക്വഡോറുമായി 1–1ന് പിരിഞ്ഞു. ജൂലിയൻ അൽവാരെസ് അർജന്റീനയുടെ ഗോൾ നേടി. എന്നെർ വലെൻഷ്യ ഇക്വഡോറിനായും ലക്ഷ്യംകണ്ടു. ബ്രസീലും അർജന്റീനയും തമ്മിലുള്ള ഒരു മത്സരം ബാക്കിയുണ്ട്.