ഐ ലീഗ്‌ : തോൽക്കാതെ ഗോകുലം

കൊൽക്കത്ത
തൊണ്ണൂറാം മിനിറ്റിൽ റൊണാൾഡ് സിങ് കുറിച്ച ഗോളിൽ ഗോകുലം കേരള രാജസ്ഥാൻ എഫ്സിയെ തളച്ചു (1–-1). ഐ ലീഗ് ഫുട്ബോളിൽ തോൽവിയറിയാതെ ഏഴ് കളി പൂർത്തിയാക്കിയ ഗോകുലം രണ്ടാംസ്ഥാനത്ത് തുടർന്നു. 15 പോയിന്റുണ്ട്. ഒന്നാമതുള്ള മുഹമ്മദൻസിന് 16.
സർദോർ ജകോനോവിലൂടെ ആദ്യപകുതിയിലാണ് രാജസ്ഥാൻ മുന്നിലെത്തിയത്. തോൽവി മുന്നിൽക്കണ്ട ഗോകുലത്തെ കളിയവസാനം റൊണാൾഡ് സിങ് രക്ഷിക്കുകയായിരുന്നു. വെള്ളിയാഴ്ച ഐസ്വാൾ എഫ്സിയുമായാണ് ഗോകുലത്തിന്റെ അടുത്ത കളി.