സമരം തുടരുമെന്ന് സ്വകാര്യ ബസ് ഉടമകള്‍

തിരുവനന്തപുരം > സംസ്ഥാനത്ത് സ്വകാര്യ ബസ് സമരം തുടരുമെന്ന് ബസ് ഉടമകള്. യാത്രാനിരക്ക് കൂട്ടാതെ സമരത്തില് നിന്ന് പിന്നോട്ടില്ലെന്നും ഉടമകൾ പറഞ്ഞു. സംസ്ഥാനത്ത് സ്വകാര്യ ബസുകളുടെ അനിശ്ചിതകാല പണിമുടക്ക് തുടരുകയാണ്. പലയിടത്തും കൃത്യ സമയത്ത് ബസ് കിട്ടാതെ ജനം വലയുകയാണ്. മധ്യ കേരളത്തിലും മലബാര് മേഖലയിലും നാട്ടിന് പുറങ്ങളിലുമാണ് സ്വകാര്യ ബസുകളെ കൂടുതലായി ആശ്രയിക്കുന്നത്. 1 മുതല് 9 വരെ ക്ലാസുകളിലെ വാര്ഷിക പരീക്ഷ തുടങ്ങിയതിനാല് സമരം വിദ്യാര്ത്ഥികളെയും ബാധിച്ചിട്ടുണ്ട്. മിനിമം ചാര്ജ് 12 രൂപയാക്കണം, കിലോമീറ്റര് നിരക്ക് ഒരു രൂപ, പത്ത് പൈസ ഉയര്ത്തണം, വിദ്യാര്ഥികളുടെ നിരക്ക് ആറ് രൂപയാക്കണം എന്നെല്ലാമാണ് ബസുടമകളുടെ പ്രധാന ആവശ്യങ്ങള്.