പലേർമൊ > യൂറോ കപ്പ് ചാമ്പ്യന്മാരായ ഇറ്റലി ഖത്തർ ഫുട്ബോൾ ലോകകപ്പിന് യോഗ്യത നേടാനാകാതെ പുറത്ത്. ദുർബലരായ നോർത്ത് മാസിഡോണിയയോട് എതിരില്ലാത്ത ഒരു ഗോളിന് തോറ്റാണ് തുടർച്ചയായ രണ്ടാം ലോകകപ്പിലും യോഗ്യത നേടാനാകാതെ ഇറ്റലി പുറത്താകുന്നത്.
92-ാം മിനുട്ടിൽ അലക്സാണ്ടർ ട്രൈകോവ്സ്കി നേടിയ ഗോളാണ് 2006 ലെ ലോകചാമ്പ്യന്മാരുടെ വഴിയടച്ചത്. മറ്റൊരു പ്ലേഓഫിൽ പൊരുതിക്കളിച്ച തുർക്കിയെ ഒന്നിനെതിരെ മൂന്നു ഗോളിന് തകർത്ത് പോർച്ചുഗൽ, നിർണായകമായ ഫൈനൽ പ്ലേഓഫിന് യോഗ്യത നേടി. നോർത്ത് മാഡിസോണിയയുമായിട്ടായിരിക്കും പറങ്കികളുടെ പ്ലേ ഓഫ് ഫൈനൽ.
