കശ്മീർ
ആർഎസ്എസ് അനുകൂല സിനിമ കശ്മീർ ഫയൽസിന് സെൻസർ ബോർഡ് പ്രത്യേക പരിഗണന നൽകിയെന്ന ആരോപണവുമായി വിവരാവകാശ പ്രവർത്തകൻ സാകേത് ഗോഖലെ. കത്തിവയ്ക്കേണ്ട അഞ്ചംഗ സെൻസർ ബോർഡിലും സംവിധായകൻ വിവേക് അഗ്നിഹോത്രി അംഗമാണെന്നതിന്റെ രേഖയും പുറത്തുവിട്ടു. ഇതോടെ സിനിമ സെൻസറിങ്ങിന് സമർപ്പിച്ചതും അനുമതി നൽകിയതും ഒരാളാണെന്ന് വ്യക്തമായി. കശ്മീരി പണ്ഡിറ്റുകളുടെ വേദനയെ വിദ്വേഷം പ്രചരിപ്പിക്കാനും ധ്രുവീകരണത്തിനുമായി ബിജെപി ഉപയോഗിക്കുകയാണെന്നും അദ്ദേഹം ആരോപിച്ചു.
അനുപം ഖേർ, മിഥുൻ ചക്രവർത്തി എന്നിവർ പ്രധാന കഥാപാത്രങ്ങളായ സിനിമയിൽ തീവ്ര മുസ്ലിം വിരുദ്ധതയാണെന്ന ആരോപണം ശക്തമാണ്. സാകേത് അസത്യം പ്രചരിപ്പിക്കുകയാണെന്ന് സംവിധായകൻ പ്രതികരിച്ചു.
