1983ലാണ് പുടിൻ മുൻ ഭാര്യ ല്യൂഡ്മില ഷ്ക്രെബ്നേവയെ വിവാഹം കഴിച്ചത്. ദമ്പതികൾക്ക് രണ്ട് പെൺമക്കളുണ്ട്. എന്നാൽ 2013ൽ വിവാഹമോചനം നേടുകയാണെന്ന് ദമ്പതികൾ പ്രഖ്യാപിച്ചു. 2000-ൽ പുടിൻ ഫസ്റ്റ് പേഴ്‌സൺ: ആൻ അസ്‌റ്റണിഷിംഗ്ലി ഫ്രാങ്ക് സെൽഫ് പോർട്രെയ്റ്റ് എന്ന ജീവചരിത്രം പുസ്തകത്തിലാണ് ഷ്ക്രെബ്നേവയുമായുമായുള്ള ബന്ധത്തിന്റെ ചില വിശദാംശം വെളിപ്പെടുത്തിയിരിക്കുന്നത്.
‘മോശമായി വസ്ത്രം ധരിച്ച’ പുടിനുമായി ഡെയ്റ്റിംഗിന് പോയതിന് ശേഷം താൻ കൂടുതൽ ചിന്തിച്ചില്ലെന്ന് ഷ്ക്രെബ്നേവ പറഞ്ഞതായി ജീവചരിത്രം പറയുന്നു. പരസ്പരം ഫോൺ നമ്പർ കൈമാറിയ ഇരുവരും അധികം താമസമില്ലാതെ പ്രണയത്തിലായി. മൂന്നര വർഷത്തിന് ശേഷം പുടിൻ ഷ്ക്രെബ്നേവയോട് വിവാഹാഭ്യർത്ഥന നടത്തി. എന്നാൽ വിവാഹാഭ്യർത്ഥനയുടെ മറ്റും ഭാവവും കണ്ടാൽ തങ്ങൾ പിരിയാൻ പോകുകയാണ് എന്ന വിധത്തിലാണ് പുടിൻ അതവരിപ്പിച്ചത് എന്ന് ഷ്ക്രെബ്നേവ പറയുന്നു.
“ഒരു രാത്രി ഞങ്ങൾ വീട്ടിൽ ഇരിക്കുകയായിരുന്നു. അപ്പോൾ പുടിൻ പറഞ്ഞു, “ഞാൻ ഇപ്പോൾ എങ്ങനെയുള്ള ആളാണെന്ന് നിനക്കറിയാം. പൊതുവേ, ഞാൻ വളരെ സിമ്പിൾ വ്യ്കതിയല്ല” അദ്ദേഹം സ്വയം വിമർശനം നടത്തുകയായിരുന്നു. താൻ നിശബ്ദനായ വ്യക്തിയാണെന്നും ചില കാര്യങ്ങളിൽ പെട്ടന്ന് തീരുമാനം എടുക്കുന്ന വ്യക്തിയാണെന്നും തനിക്ക് ആളുകളെ അപമാനിക്കാൻ പോലും കഴിയുമെന്നും പുടിൻ വിശദീകരിച്ചതായി ഷ്ക്രെബ്നേവ പറയുന്നു.
തുടർന്ന് താൻ അപകടസാധ്യതയുള്ള ഒരു ജീവിത പങ്കാളിയാണെന്നും എന്നും കൂടെ പറഞ്ഞതോടെ പുടിൻ പിരിയുന്ന കാര്യത്തെപ്പറ്റിയാണ് പറഞ്ഞു വരുന്നത് എന്ന് ഷ്ക്രെബ്നേവ ഉറപ്പിച്ചു. എന്നാൽ പിന്നീടാണ് ട്വിസ്റ്റ്. “ഇങ്ങേനെയാണെങ്കിലും, ഞാൻ നിന്നെ സ്നേഹിക്കുന്നു, വിവാഹം കഴിക്കാൻ ആഗ്രഹിക്കുന്നു” എന്നാണ് പിന്നീട് പുടിൻ പറഞ്ഞത്. അത് തന്നെ അത്ഭുതപ്പെടുത്തി എന്ന് ഷ്ക്രെബ്നേവ പുസ്തകത്തിൽ പറയുന്നു.
