കോട്ടയം> കോട്ടയം മറിയപ്പള്ളി മുട്ടത്ത് പാറ കുളത്തിലേക്ക് മറിഞ്ഞ ടിപ്പർ ലോറിയിൽ നിന്ന് ഡ്രൈവറുടെ മൃതദേഹം കണ്ടെത്തി. പാറകുളത്തിൽ നിന്ന് ക്രെയിൻ ഉപയോഗിച്ച് ലോറി പുറത്തെടുത്തപ്പോഴാണ് ഡ്രൈവറുടെ മൃതദേഹം ലഭിച്ചത്. തിരുവനന്തപുരം കരുമാനൂര് പാറശാല സ്വദേശി അജികുമാർ (48) ആണ് മരിച്ചത്.
ടിപ്പർ ലോറിയുടെ ക്യാബിനിൽ കുടുങ്ങിയ നിലയിലായിരുന്നു മൃതദേഹം. വെള്ളിയാഴ്ച രാത്രിയാണ് ലോറി പാറമടക്കുളത്തിൽ വീണത്. ശനിയാഴ്ച്ച പുലർച്ചെ തന്നെ അഗ്നിരക്ഷാസേന തിരച്ചിൽ നടത്തിയെങ്കിലും ഡ്രൈവറുടെ മൃതദേഹം കണ്ടെത്താൻ കഴിഞ്ഞിരുന്നില്ല.
