മാതൃഭൂമി ന്യൂസിന് നൽകിയ അഭിമുഖത്തിലാണ് യെച്ചൂരി പിണറായി അനന്തര കാലഘട്ടത്തില് മുന്നോട്ടുവെയ്ക്കാന് സിപിഎമ്മിന് ഒരു നേതൃ മുഖമുണ്ടോ എന്ന ചോദ്യത്തിനോട് പ്രതികരിച്ചത്. പി കൃഷ്ണപിള്ളയ്ക്കും എ കെ ജിക്കും ഇ എം എസ്സിനും നായനാറിനും ശേഷം ഇതേ ചോദ്യം പാര്ട്ടി നേരിട്ടിട്ടുണ്ടെന്ന് പറഞ്ഞാണ് യെച്ചൂരി തങ്ങളുടെ നിലപാട് വ്യക്തമാക്കിയത്.
Also Read :
“വി എസ്സിന് ശേഷം ആരെന്നും ചോദ്യമുണ്ടായി. അപ്പോഴൊക്ക കൃത്യമായ ഉത്തരം കൊടുക്കാന് പാര്ട്ടിക്കായിട്ടുണ്ട്. അതുകൊണ്ട് പിണറായി അനന്തരകാലം എന്ന ചോദ്യം ഞങ്ങളെ അലട്ടുന്ന ഒന്നല്ല.” സി പി എം ജനറൽ സെക്രട്ടറി വ്യക്തമാക്കി.
സിപിഎം സമ്മേളനത്തിൽ നവകരേള വികസനരേഖ പിണറായി അവതരിപ്പിച്ചത് എന്തുകൊണ്ടാണെന്ന ചോദ്യത്തിനും യെച്ചൂരി മറുപടി നൽകി. മുഖ്യമന്ത്രി പിണറായി വിജയന് സി പി എമ്മിന്റെ പൊളിറ്റ് ബ്യുറൊ അംഗമാണ്. പൊളിറ്റ് ബ്യൂറൊ അംഗമെന്ന നിലയിലാണ് അദ്ദേഹം മുഖ്യമന്ത്രിയായത്. പൊളിറ്റ് ബ്യൂറൊ പാര്ട്ടിയുടെ സമുന്നത നേതൃഘടകമാണ്. പാര്ട്ടി കോണ്ഗ്രസാണ്, സര്ക്കാരല്ല, ഈ നയരേഖയിന്മേല് അന്തിമ തീരുമാനമെടുക്കുക. അതിനുശേഷം ഇത് ഇടത് മുന്നണിയില് ചര്ച്ച ചെയ്യും. അവിടെ നിന്നുള്ള അഭിപ്രായങ്ങള് കൂടി കണക്കിലെടുത്ത ശേഷമാണ് സര്ക്കാര് ഇത് നടപ്പാക്കുകയെന്നും യെച്ചൂരി മാതൃഭൂമിയോട് പറഞ്ഞു.
Also Read :
പുതുമുഖങ്ങൾ പാർട്ടിയുടെ സംസ്ഥാന നേതൃ നിരയിലേക്ക് വന്നു കഴിഞ്ഞു. അടുത്ത മാസം കണ്ണൂരില് നടക്കാനിരിക്കുന്ന പാര്ട്ടി കോണ്ഗ്രസിലും സമാനമായ മാറ്റങ്ങള് ഉണ്ടാവുമെന്നും യെച്ചൂരി വ്യക്തമാക്കി. ചലനാത്മകതയും മാറ്റവുമാണ് ഞങ്ങളുടെ പാര്ട്ടിയുടെ മുഖ മുദ്ര. ദളിത്, വനിതാ പ്രാതിനിധ്യം ഉറപ്പുവരുത്തുന്ന ഒരു നേതൃഘടനയ്ക്കാണ് പാര്ട്ടി രൂപം നല്കുകയെന്നും അദ്ദേഹം കൂട്ടിച്ചേർത്തു.
