തിരുവനന്തപുരം: സംസ്ഥാനത്തെ മൂന്ന് ജില്ലകളിൽ ഇന്ന് യെല്ലോ അലേര്‍ട്ട്. വരുന്ന ഏതാനും ദിവസത്തേയ്ക്ക് കേരളത്തിലെ പല കേന്ദ്രങ്ങളിലും ഒറ്റപ്പെട്ട കനത്ത മഴയ്ക്ക് സാധ്യതയുണ്ടെന്നാണ് മുന്നറിയിപ്പ്. ഫെബ്രുവരി 13ന് ഞായറാഴ്ച തിരുവനന്തപുരം, എറണാകുളം, ആലപ്പുഴ ജില്ലകളിലാണ് യെല്ലോ അലേര്‍ട്ട് പ്രവചിച്ചിട്ടുള്ളത്.
കഴിഞ്ഞ ദിവസം തിരുവനന്തപുരം അടക്കമുള്ള ജില്ലകളിലുണ്ടായ കനത്ത മഴയുടെ തുടര്‍ച്ചയാണ് കേരളത്തിലാകമാനം പ്രവചിക്കുന്ന മഴ. അതേസമയം, ഇന്നൊഴികെയുള്ള ദിവസങ്ങളിൽ ഒരു ജില്ലയിലും യെല്ലോ അലേര്‍ട്ട് പ്രഖ്യാപിച്ചിട്ടില്ല.
Also Read:
ഞായറാഴ്ച യെല്ലോ അലേര്‍ട്ട് പ്രഖ്യാപിച്ച ജില്ലകളിലൊഴികെ മറ്റെല്ലാ ജില്ലകളിലും ഗ്രീൻ അലേര്‍ട്ട് മാത്രമാണുള്ളത്. നാളെയും മറ്റന്നാളും കേരളത്തിലെ 14 ജില്ലകളിലും ലക്ഷദ്വീപിലും ഗ്രീൻ അലേര്‍ട്ട് മാത്രമാണുള്ളത്.
