അഹമ്മദാബാദ് > വെസ്റ്റിന്ഡീസിനെതിരായ മൂന്നാം ഏകദിനത്തില് ഇന്ത്യയ്ക്ക് 96 റണ്സിന്റെ വിജയം. ജയത്തോടെ ഇന്ത്യ ഏകദിന പരമ്പര തൂത്തുവാരി. 266 റണ്സ് വിജയലക്ഷ്യം പിന്തുടര്ന്ന വിന്ഡീസിനെ ഇന്ത്യന് ബൗളര്മാര് 37.1 ഓവറില് 169 റണ്സിന് ഒതുക്കി. ഇതോടെ മുഴുവന് സമയ ക്യാപ്റ്റനായുള്ള ആദ്യ പരമ്പര തന്നെ തൂത്തുവാരാന് രോഹിത് ശര്മയ്ക്കായി.
266 റണ്സ് വിജയലക്ഷ്യം പിന്തുടരുന്ന വിന്ഡീസിന് ഒരു ഘട്ടത്തില് പോലും വിജയ പ്രതീക്ഷയുണര്ത്താന് സാധിച്ചില്ല. വാലറ്റത്ത് 18 പന്തില് നിന്ന് മൂന്ന് സിക്സും മൂന്ന് ഫോറുമടക്കം 36 റണ്സെടുത്ത ഒഡീന് സ്മിത്താണ് ടോപ് സ്കോറര്.
