പാലക്കാട്: പാലക്കാട് കാഞ്ഞിരപ്പുഴ പാമ്പൻതോട് വനത്തിൽ കാണാതായ ആദിവാസി യുവാവിനെ കണ്ടെത്തി. കഴിഞ്ഞദിവസം ഉച്ചയോടെ വനത്തിനുള്ളിൽ കാണാതായ 22 കാരനായ പ്രസാദിനെ വ്യാഴാഴ്ച വൈകീട്ട് നാല് മണിയോടെയാണ് കണ്ടെത്തിയത്.
പോലീസും വനംവകുപ്പും ഫയർഫോഴ്സും സിവിൽ ഡിഫൻസ് ടീമും നാട്ടുകാരും സംയുക്തമായി നടത്തിയ തിരച്ചിലിനൊടുവിലാണ് ആനമുളി ഭാഗത്തുനിന്നും പ്രസാദിനെ കണ്ടെത്തിയത്.
വനവിഭവങ്ങൾ ശേഖരിക്കാനായി കഴിഞ്ഞ ദിവസം ഉച്ചയ്ക്ക് രണ്ട് മണിയോടെയായിരുന്നു യുവാവ് വനത്തിലെത്തിയത്. ഇയാൾക്കൊപ്പം അച്ഛനും അമ്മയും അയൽവാസിയായ സ്ത്രീയുമുണ്ടായിരുന്നു. വനവിഭവങ്ങൾ ശേഖരിച്ച് മറ്റെല്ലാവരും വീട്ടിൽ തിരിച്ചെത്തി. എന്നാൽ രാത്രി കഴിഞ്ഞിട്ടും പ്രസാദ് തിരിച്ചെത്തിയില്ല. തുടർന്ന് വീട്ടുകാർ ഫോറസ്റ്റ് ഉദ്യോഗസ്ഥരെ ഉൾപ്പെടെ വിവരം അറിയിച്ചതിന്റെ അടിസ്ഥാനത്തിലാണ് വിവിധ സംഘങ്ങളായി തിരഞ്ഞ് യുവാവിനായി തിരച്ചിൽ ആരംഭിച്ചത്.
content highlights:missing tribal youth has found in Pampanthodu forest
