പാലക്കാട്: പാലക്കാട് കാഞ്ഞിരപ്പുഴ പാമ്പൻതോട് വനത്തിൽ ആദിവാസി യുവാവിനെ കാണാതായി. 22കാരനായ പ്രസാദ് എന്ന യുവാവിനെയാണ് കഴിഞ്ഞ ദിവസം മുതൽ കാണാതായത്. മണ്ണാർക്കാട് ഫയർഫോഴ്സും സിവിൽ ഡിഫൻസും പ്രദേശത്ത് തിരച്ചിൽ നടത്തുകയാണ്.
വനവിഭവങ്ങൾ ശേഖരിക്കാനായി കഴിഞ്ഞ ദിവസം ഉച്ചയ്ക്ക് രണ്ട് മണിയോടെയാണ് യുവാവ് വനത്തിലെത്തിയത്. ഇയാൾക്കൊപ്പം അച്ഛനും അമ്മയും അയൽവാസിയായ സ്ത്രീയുമുണ്ടായിരുന്നു. വനവിഭവങ്ങൾ ശേഖരിച്ച് മറ്റെല്ലാവരും വീട്ടിൽ തിരിച്ചെത്തി. എന്നാൽ രാത്രി കഴിഞ്ഞിട്ടും പ്രസാദ് തിരിച്ചെത്തിയില്ല. തുടർന്നാണ് വീട്ടുകാർ ഫോറസ്റ്റ് ഉദ്യോഗസ്ഥരെ ഉൾപ്പെടെ വിവരം അറിയിച്ച് തിരച്ചിൽ ആരംഭിച്ചത്.
മണ്ണാർക്കാട് ഡിഎഫ്ഒയുടെ നിർദേശത്തെ തുടർന്ന് ഡെപ്യൂട്ടി റെയ്ഞ്ച് ഓഫീസർ ഉൾപ്പെടെ സ്ഥലത്തെത്തിയിട്ടുണ്ട്. പാലക്കാട് നിന്ന് ഫയർഫോഴ്സിന്റെ സ്കൂബ ടീം ഉൾപ്പെടെ സ്ഥലത്ത് പരിശോധന നടത്തുന്നതിനായി പുറപ്പെട്ടിട്ടുണ്ട്.
Content Highlights: Tribalyouth wentmissing in thePampanthodu Forest
