കോട്ടയം മെഡിക്കല് കോളേജ് ആശുപത്രിയിലെ ചികിത്സ കഴിഞ്ഞ് വീട്ടിലേക്ക് മടങ്ങുന്ന ചിത്രം പങ്കുവെച്ചുകൊണ്ടാണ് മന്ത്രി വീട് നിർമ്മിച്ച് നൽകുമെന്ന വിവരം പങ്കുവെച്ചത്. പ്രളയ കാലത്തും കൊവിഡ് കാലത്തും സേവനരംഗത്ത് മാതൃകയായി നിന്ന പ്രസ്ഥാനമാണ് അഭയം എന്നും വിഎൻ വാസവൻ വ്യക്തമാക്കി. അഭയത്തിന്റെ ചുമതലയില് സുരേഷിന്റെ അമ്മയുടെ പേരിലുള്ള നാട്ടിലെ ഭൂമിയിലാണ് വീട് നിര്മ്മിച്ച് നല്കുകെന്നും മന്ത്രി പറഞ്ഞു.
Also Read :
മന്ത്രിയുടെ ഫേസ്ബുക്ക് പോസ്റ്റ്
“വാവ സുരേഷ് കോട്ടയം മെഡിക്കല് കോളേജ് ആശുപത്രിയിലെ ചികിത്സ കഴിഞ്ഞ് സന്തോഷപൂര്വ്വം വീട്ടിലേക്ക് മടങ്ങി. സുരേഷിനെ ആശുപത്രിയില് എത്തിച്ചതിന് ശേഷം അദ്ദേഹത്തിന്റെ സ്നേഹിതരില് നിന്ന് ഏറ്റവും കൂടുതല് ഉയര്ന്ന് വന്ന ആവശ്യം ഒരു വീട് നിര്മ്മിച്ച് നല്കണം എന്നതായിരുന്നു. ഇതിന് മുന്പ് പലരും ഈ നിര്ദ്ദേശം മന്നോട്ട് വച്ചെങ്കിലും അദ്ദേഹം സ്നേഹപൂര്വ്വം നിരസിക്കുകയായിരുന്നു. എന്നാല് ഞാന് ഇക്കാര്യം സുരേഷിനോട് സംസാരിച്ചപ്പോള് അത് സാറ് തീരുമാനിച്ചോളു എന്നാണ് മറുപടി നല്കിയത്. സിപിഐഎം നേതൃത്വം നല്കുന്ന അഭയം ചാരിറ്റബില് സൊസൈറ്റിയാണ് വീട് നിര്മ്മിച്ച് നല്കുക.പ്രളയകാലത്തും കൊവിഡ് കാലത്തും സേവനരംഗത്ത് മാതൃകയായി നിന്ന പ്രസ്ഥനമാണ് അഭയം. അഭയത്തിന്റെ ചുമതലയില് സുരേഷിന്റെ അമ്മയുടെ പേരിലുള്ള നാട്ടിലെ ഭൂമിയിലാണ് വീട് നിര്മ്മിച്ച് നല്കുക.”
Also Read :
മൂർഖന്റെ കടിയേറ്റ് ചികിത്സയിൽ കഴിയുകയായിരുന്ന വാവ സുരേഷ് ഇന്ന് രാവിലെയാണ് ആശുപത്രി വിട്ടത്. രാവിലെ മെഡിക്കൽ ബോർഡ് ചേർന്നു ആരോഗ്യനില പരിശോധിച്ച ശേഷമായിരുന്നു ഡിസ്ചാർജ് ചെയ്യാൻ തീരുമാനിച്ചത്. ഡിസ്ചാർജ് സമയത്ത് മന്ത്രി വിഎൻ വാസവൻ ഉൾപ്പെടെയുള്ളവർ ഉണ്ടായിരുന്നു.
കഴിഞ്ഞ ദിവസങ്ങളിലുണ്ടായിരുന്ന പനി പൂർണമായും മാറിയതോടെയാണ് അദ്ദേഹത്തെ ഡിസ്ചാർജ് ചെയ്തത്. ഒട്ടേറെ തവണ പാമ്പ് കടിയേറ്റിട്ടുണ്ടെങ്കിലും മരണഭയം ഇതാദ്യമായാണെന്നാണ് വാവ സുരേഷ് പ്രതികരിച്ചത്.
