പെരിന്തല്മണ്ണ> മതിയായ രേഖകളില്ലാതെ കാറിൽ കൊണ്ടുപോയ 79,50,000 രൂപയുമായി യുവാവ് പൊലീസ് പിടിയില്. ആലപ്പുഴ മണ്ണഞ്ചേരി മുല്ലക്കല് വീട്ടില് അന്സിഫ് (30) ആണ് ബുധൻ പകൽ ഒന്നോടെ ദേശീയപാതയില് പെരിന്തല്മണ്ണ മനഴി ബസ് സ്റ്റാന്ഡിന് സമീപം പിടിയിലായത്. അഞ്ഞൂറ് രൂപയുടെ കെട്ടുകളാക്കിയാണ് പണം വച്ചിരുന്നത്.
കോയമ്പത്തൂരില് നിന്ന് ആലപ്പുഴയിലേക്ക് പോവുകയായിരുന്നു ഇയാൾ. കാറിന് മുന്നിലെ ചില്ലില് ‘ഡോക്ടര്’ അടയാളം പതിപ്പിച്ചിരുന്നു. പണത്തിന്റെ ഉറവിടത്തെക്കുറിച്ച് കൂടുതൽ വിവരങ്ങള് അന്വേഷിക്കേണ്ടതുണ്ടെന്ന് പൊലീസ് പറഞ്ഞു. രഹസ്യവിവരത്തെ തുടര്ന്ന് പെരിന്തല്മണ്ണ സിഐ സുനില് പുളിക്കലിന്റെയും എസ്ഐ സി കെ നൗഷാദിന്റെയും നേതൃത്വത്തിലായിരുന്നു പരിശോധന.
