ഇൻസ്റ്റാഗ്രാം ഫുഡ് ബ്ലോഗർ @delhi_tummyയാണ് ഈ ദോശ പരിചയപ്പെടുത്തുന്നത്. ‘ദോശ തിന്നാൽ കാശ് കിട്ടുന്ന’ പരിപാടിയിൽ എന്തെങ്കിലും ഒരു ഉടായിപ്പ് കാണുമല്ലോ എന്ന് ചിന്തിക്കുന്നവർക്ക്. ദോശയുടെ വലിപ്പം 10 അടിയാണ്. എങ്ങനെയെന്ന് ഈ ഭീമൻ ദോശ തയ്യാറാക്കുന്നത് എന്ന് ഫുഡ് ബ്ലോഗർ തന്റെ വിഡിയോയിൽ വിശദീകരിക്കുന്നുണ്ട്.
ചൂടാക്കിയ കല്ലിൽ അടുത്തടുത്തായി നിരവധി ദോശമാവ് ഒഴിക്കുന്നു. പിന്നീട് ഈ ദോശകൾ തമ്മിൽ മാവ് ചേർത്ത് ബന്ധിപ്പിക്കുന്നു. പിന്നീട് നെയ്യ് ഒഴിച്ച ശേഷം ഉരുളക്കിഴങ്ങിന്റെ മസാല നീളത്തിൽ ഒരു ഭാഗത്ത് അടുക്കി വച്ച് ദോശ ചുരുട്ടിയെടുക്കുന്നു. ഭീമൻ മസാല ദോശയുടെ മുകളിൽ ചീസ് ചിരകിയിട്ടാണ് ഗാർണിഷ് ചെയ്യുന്നത്. സാമ്പാർ, വിവിധ ചട്നികൾ, ഉരുളക്കിഴങ് മസാല എന്നിവയ്ക്കൊപ്പമാണ് ഈ മസാല വിളമ്പുന്നത്.
ഈ ഭീമൻ മസാല ദോശ ഒരാൾ നിശ്ചിത സമയത്തിനുള്ളിൽ തിന്ന് തീർത്താലാണ് ഹോട്ടൽ 71,000 രൂപ നൽകുക. അല്ലാത്ത പക്ഷം ദോശയുടെ വിലയായ 1500 ദോശ തിന്നുന്ന വ്യക്തി നൽകണം. പലരും ഈ ചാലഞ്ച് എളുപ്പമാണ് എന്നും പറഞ്ഞു ഭീമൻ ദോശ കഴിച്ചു തീർക്കാൻ ശ്രമിച്ചെങ്കിലും ഇതുവരെ ആർക്കും വിജിയായിക്കാനായിട്ടില്ല എന്ന് ബ്ലോഗ്ഗർ വിശദീകരിക്കുന്നു.
വൈറലായ വീഡിയോ ഇതിനകം 4 ദശലക്ഷത്തിലധികം പേർ കണ്ടിട്ടുണ്ട്. മാത്രമല്ല, ഇൻസ്റ്റാഗ്രാമിൽ 4.11 ലക്ഷം ലൈക്കുകളും നേടിയിട്ടുണ്ട്. ഈ ദോശ വായിൽ വെള്ളമൂറുന്നതാണെന്ന് പറഞ്ഞ് ആളുകൾ ആയിരക്കണക്കിന് കമന്റുകളാണ് പോസ്റ്റിന് കീഴെ കുറിച്ചിരിക്കുന്നത്. അതോടൊപ്പം ചിലർക്ക് മസാല ദോശയുടെ മുകളിൽ ചീസ് ചിരക്കിയിട്ടത് ഒട്ടും ദഹിച്ചിട്ടില്ല.
