വയോധികയായ ഒരു സ്ത്രീയെ ശുശ്രുഷിക്കുകയാണ് റൂത്ത് ഫോർട്ട് ചെയ്യുന്നത്. എന്നാൽ അടുത്തിടെ വയോധികയുടെ പക്കൽ നിന്നും 7,200 പൗണ്ട് (ഏകദേശം 7.3 ലക്ഷം രൂപ) റൂത്ത് മോഷ്ടിച്ചു. ഇത് യഥാത്ഥത്തിൽ വയോധിക അറിഞ്ഞിട്ടില്ല. റൂത്ത് ഇക്കാര്യം ആരോടും പറയാതെ സ്വകാര്യമാക്കി വച്ചു. എന്നാൽ ഉറക്കത്തിൽ സംസാരിക്കുന്ന പതിവ് റൂത്തിനുണ്ട്.
ഒരു ദിവസം ഉറങ്ങുമ്പോൾ തന്റെ കുറ്റകൃത്യത്തെക്കുറിച്ച് റൂത്ത് സംസാരിച്ചു. ഭർത്താവ് ആന്റണി തൊട്ടപ്പുറത്ത് ഇതെല്ലം കേട്ട് കിടക്കുന്നുണ്ടായിരുന്നു. ഉടനെ ആന്റണി പോലീസിനെ വിളിച്ചു കാര്യം പറഞ്ഞു. പോലീസ് റൂത്തിനെ അറസ്റ്റ് ചെയ്യുകയും ചെയ്തു.
റൂത്തിന്റെ ചെയ്തികളിൽ ആന്റണിയ്ക്ക് ഉറക്കത്തിൽ സംസാരിക്കുന്നതിനു മുൻപ് തന്നെ സംശയമുണ്ടായിരുന്നു. മെക്സിക്കോയിലേക്ക് കുടുംബ അവധി ആഘോഷിക്കാൻ പോയപ്പോൾ ഒരുപാട് പണം റൂത്ത് ചെലവഴിച്ചിരുന്നു. വയോധികയായ സ്ത്രീയിൽ നിന്നും പണം മോഷ്ടിച്ച കാര്യം ഉറക്കത്തിൽ റൂത്ത് പറഞ്ഞതോടെ എവിടെ നിന്നാണ് പണം കിട്ടിയത് എന്ന് വ്യക്തമായി.
“ഞാൻ റൂത്തിനെ അഗാധമായി സ്‌നേഹിച്ചിരുന്നു, പക്ഷേ അവൾ ചെയ്‌തത് എനിക്ക് അവഗണിക്കാൻ കഴിഞ്ഞില്ല. ഒരു വയോധികയിൽ നിന്നും പണം മോഷ്ടിക്കാൻ അവൾക്ക് കഴിഞ്ഞു എന്നത് എനിക്ക് വെറുപ്പുളവാക്കുന്നതായിരുന്നു. എനിക്കത് പോലീസിനോട് പറയാതിരിക്കാൻ സാധിച്ചില്ല ,” 61 കാരനായ ഭർത്താവ് ആന്റണി പറഞ്ഞു.
പോലീസിന്റെ ചോദ്യം ചെയ്യലിൽ വയോധികയുടെ പണം മോഷ്ടിച്ചതായി റൂത്ത് സമ്മതിച്ചു. കോടതി 16 മാസത്തെ തടവ് ശിക്ഷ ലഭിച്ചു.
