രണ്ട് ആഴ്ച കഴിഞ്ഞ് സാഹചര്യം വിലയിരുത്തിയ ശേഷം സ്കൂളുകൾ തുറക്കുന്ന കാര്യത്തിൽ തീരുമാനമെടുക്കും. അതേസമയം പത്ത്, പ്ലസ് വൺ, പ്ലസ് ടു വിദ്യാർത്ഥികളുടെ പഠനം ഓഫ് ലൈനായി തുടരും.
Also Read:
കൈറ്റ് വിക്ടേഴ്സിലൂടെയുള്ള ഡിജിറ്റൽ ക്ലാസുകൾ തുടരും. പുതുക്കിയ ടൈം ടേബിൾ കൈറ്റ് പ്രസിദ്ധീകരിക്കും. ക്ലാസുകൾ ഓൺലൈനിലേക്കും ഡിജിറ്റൽ മീഡിയത്തിലേക്കും മാറുന്നതിനാൽ പഠന തുടർച്ച ഉറപ്പുവരുത്തണം. രക്ഷിതാക്കളുമായി ആശയ വിനിമയം നടത്തുന്നതിന് ഡിജിറ്റൽ പ്ലാറ്റ്ഫോമുകൾ ഫലപ്രദമായി ഉപയോഗിക്കണം.
Also Read:
സ്‌കൂള്‍തല എസ്ആര്‍ജികള്‍ ഫലപ്രദമായി ചേരണം. കുട്ടികളുടെ പഠനപുരോഗതി കൃത്യമായി നിരീക്ഷിച്ച് ആവശ്യമായ ഫീഡ്ബാക്ക് നല്‍കേണ്ടതാണ്. കുട്ടികളുടെ പഠന പുരോഗതി പ്രൊഫൈലിൽ കൃത്യമായി രേഖപ്പെടുത്തണം. എല്ലാ കുട്ടികൾക്കും ഡിജിറ്റൽ ക്ലാസുകൾ കാണുന്നതിനുള്ള സൗകര്യം ഉണ്ടെന്ന് ഉറപ്പുവരുത്തണം. പ്രധാനാധ്യപകന്റെ നേതൃത്വത്തിലാണ് ഇക്കാര്യം ഉറപ്പാക്കേണ്ടത്.
സ്‌കൂളുകളില്‍ ക്ലസ്റ്ററുകള്‍ രൂപപ്പെട്ടാല്‍ ആരോഗ്യവകുപ്പ് അധികൃതരെ അറിയിച്ച് രണ്ടാഴ്ച വരെ അടച്ചിടണം. എല്ലാ അധ്യാപകരും സ്കൂളുകളിൽ എത്തേണ്ടതാണ്. ഓഫീസുകൾ കൊവിഡ് നിയന്ത്രണങ്ങൾ പാലിച്ചു വേണം പ്രവ‍ര്‍ത്തിക്കാനെന്നും മാ‍ര്‍ഗരേഖയിൽ പറയുന്നു.
