BR-83 ഭാഗ്യക്കുറിയുടെ ഭാഗ്യശാലിയെ ഇന്ന് അറിയാം. ഉച്ചയ്ക്ക് രണ്ട് മണിക്ക് തിരുവനന്തപുരം ഗോർഖി ഭവനിൽ വെച്ചാണ് നറുക്കെടുപ്പ്. കഴിഞ്ഞ വർഷം നവംബറിൽ വിൽപ്പന ആരംഭിച്ച ഭാഗ്യക്കുറിയുടെ ടിക്കറ്റ് വില 300 രൂപയാണ്.
12 കോടി രൂപയാണ് ക്രിസ്‌മസ് – പുതുവത്സര ബമ്പർ ഭാഗ്യക്കുറിയുടെ ഒന്നാം സമ്മാനം. രണ്ടാം സമ്മാനമായി 6 പേർക്ക് 50 ലക്ഷം വീതവും മൂന്നാം സമ്മാനമായി 10 ലക്ഷം രൂപ വീതം 6 പേർക്ക് ലഭിക്കും. നാലാം സമ്മാനം 5 ലക്ഷം വീതം 6 പേർക്ക്. അഞ്ചാം സമ്മാനം ഒരു ലക്ഷം രൂപ വീതം അവസാന അഞ്ചക്കത്തിന് ലഭിക്കും. 5000, 3000, 2000, 1000 എന്നിങ്ങനെ നിരവധി സമ്മാനങ്ങൾ വേറെയുമുണ്ട്.
XA, XB, XC, XD, XE, XG എന്നീ അഞ്ചു സീരീസുകളിലാണ് ക്രിസ്‌മസ് – പുതുവത്സര ബമ്പർ ഭാഗ്യക്കുറിയുടെ ടിക്കറ്റ് പുറത്തിറക്കിയത്. സമ്മാനാർഹർ നറുക്കെടുപ്പിന് ശേഷം 30 ദിവസത്തിനുള്ളിൽ ടിക്കറ്റ് സമ്മാന വിതരത്തിനായി ഹാജരാക്കണം. ഒന്ന് മുതൽ മൂന്ന് വരെയുള്ള സമ്മാനർഹർക്ക് നേരിട്ടോ ദേശസാൽകൃത/ഷെഡ്യൂൾഡ്/സംസ്ഥാന അഥവ അജില്ലാ സഹകരണ ബാങ്കുകൾ വഴിയോ ആവശ്യമായ രേഖകൾ സഹിതം ഭാഗ്യക്കുറി ഡയറക്ടർ ഓഫീസിൽ ടിക്കറ്റ് ഹാജരാക്കി സമ്മാനത്തുക കൈപ്പറ്റാം.
ഭാഗ്യക്കുറി വകുപ്പിന്‍റെ ഔദ്യോഗിക വെബ്സൈറ്റുകളായ https://www.keralalotteryresult.net/, http://www.keralalotteries.com/ എന്നിവയിൽ ഫലം ലഭ്യമാകും. വിജയികള്‍ സര്‍ക്കാര്‍ ഗസറ്റിൽ പ്രസിദ്ധീകരിച്ചിരിക്കുന്ന ഫലം നോക്കി ഉറപ്പുവരുത്തുകയും 30 ദിവസത്തിനകം സമ്മാനാര്‍ഹമായ ലോട്ടറി ടിക്കറ്റ് സമര്‍പ്പിക്കുകയും വേണം.
സമ്മാനർഹൻ്റെ ഒപ്പും പേരും മേൽവിലാസവും രേഖപ്പെടുത്തിയ സമ്മാന ടിക്കറ്റിൻ്റെ സ്വയം സാക്ഷ്യപ്പെടുത്തിയ പകർപ്പ്, ഗസറ്റഡ് ഓഫീസർ സാക്ഷ്യപ്പെടുത്തിയ രണ്ട് പാസ്പോർട്ട് സൈസ് ഫോട്ടോ, പാൻകാർഡ്, ടിക്കറ്റിൽ രേഖപ്പെടുത്തിയ മേൽവിലാസം തെളിയിക്കുന്ന ഫോട്ടോ പതിച്ച തിരിച്ചറിയൽ കാർഡ് ഇവയുടെ സ്വയം സാക്ഷ്യപ്പെടുത്തിയ പകർപ്പുകൾ, സമ്മാനാർഹൻ്റെ ബാങ്ക് അക്കൗണ്ട് നമ്പർ (ഐഎഫ്സി കോഡ് സഹിതം) രേഖപ്പെടുത്തിയ പാസ്ബുക്കിൻ്റെ പകർപ്പ് എന്നിവ ടിക്കറ്റിനൊപ്പം ഹാജരാക്കണം.
