കൊച്ചി: മുതിർന്ന മാധ്യമപ്രവർത്തകനും ഫ്രീ പ്രസ് ജേണലിന്റെ മുൻ എഡിറ്ററുമായിരുന്ന വിജയൻ കണ്ണമ്പിള്ളി (72) അന്തരിച്ചു. വ്യാഴാഴ്ച ഹൃദയാഘാതത്തെ തുടർന്നായിരുന്നു അന്ത്യം.
മുൻ ഇന്ത്യൻ അംബാസഡർ കെ.എം. കണ്ണമ്പിള്ളിയുടെയും കോണത്ത് മാധവി അമ്മയുടെയും മകനായി 1949-ലാണ് വിജയൻ കണ്ണമ്പിള്ളിയുടെ ജനനം. പത്രപ്രവർത്തനത്തിലേക്ക് തിരിയുന്നതിന് മുമ്പ് വിദ്യാർത്ഥി കാലഘട്ടത്തിൽ മാർസിസ്റ്റ് ചിന്താഗതിക്കാരനായിരുന്ന അദ്ദേഹം1974-ൽ ദി ഇക്കണോമിക് ടൈംസിൽ ചേർന്നു. പത്രപ്രവർത്തനം ആരംഭിച്ച് കഷ്ടിച്ച് ഒരു വർഷം മാത്രം പിന്നിടുമ്പോൾ പ്രഖ്യാപിച്ച അടിയന്തരാവസ്ഥയ്ക്കെതിരെ അദ്ദേഹം ധീരമായ നിലപാട് സ്വീകരിച്ചു.
1980-കളുടെ മധ്യത്തിൽ അദ്ദേഹം ഫ്രീ പ്രസ് ജേണലിൽ എഡിറ്ററായി. പിന്നീട് ബിസിനസ് ഇന്ത്യ പബ്ലിഷിംഗ് ഗ്രൂപ്പിൽ പ്രവർത്തിക്കുന്നതിനായി അദ്ദേഹം പത്രപ്രവർത്തനം ഉപേക്ഷിച്ചു. കുട്ടിക്കാലത്തേ താല്പര്യമുള്ള ചിത്രകല പ്രവർത്തനങ്ങൾ പുരരാരംഭിച്ച അദ്ദേഹം കേരള പാചകത്തേക്കുറിച്ച് പുസ്തകവും എഴുതിയിട്ടുണ്ട്.
Content Highlights:Vijayan Kannampilly, the former editor of Free Press Journal, dies at 72
