തിരുവനന്തപുരം: മുഖ്യമന്ത്രി ചികിത്സയ്ക്കായി അമേരിക്കയിലേക്ക്. ജനുവരി 15 നാണ് മുഖ്യമന്ത്രി അമേരിക്കയിലേക്ക് പോകുന്നത്. ഈ മാസം 29 വരെ അമേരിക്കയിൽ തുടരും. ചികിത്സയുടെ എല്ലാ ചെലവുകളും സംസ്ഥാന സർക്കാർ വഹിക്കുമെന്ന് വ്യക്തമാക്കി ചീഫ് സെക്രട്ടറി ഉത്തരവിറക്കി.
Also Read:
തുടർ ചികിത്സയുടെ ഭാഗമായാണ് മുഖ്യമന്ത്രി അമേരിക്കയിലേക്ക് പോകുന്നത്. ഭാര്യ കമല, പേഴ്സണൽ അസിസ്റ്റന്റ് സുനീഷ് എന്നിവരാണ് മുഖ്യമന്ത്രിയെ അനുഗമിക്കുക. ജനുവരി 30 ന് മുഖ്യമന്ത്രി തിരികെ നാട്ടിലെത്തും.
Also Read:
മനിസോട്ടയിലെ മയോ ക്ലിനിക്കിലാണ് മുഖ്യമന്ത്രി ചികിത്സ തേടുന്നത്. തുടർ ചികിത്സയുടെ ഭാഗമായി അദ്ദേഹം നേരത്തെ അമേരിക്കയിലേക്ക് പോകാൻ പദ്ധതിയിട്ടിരുന്നു. എന്നാൽ കൊവിഡിന്റെ പശ്ചാത്തലത്തിൽ യാത്ര മാറ്റിവെയ്ക്കുകയായിരുന്നുവെന്നാണ് വിവരം.
