വകുപ്പുതല അന്വേഷണത്തിന് ഉത്തരവിട്ടതിന് പിന്നാലെയാണ് എസ്ഐക്കെതിരെ നടപടിയുണ്ടായത്. റെയിൽവേ എസ്പി ചൈത്ര തെരേസ ജോണിൻ്റെ റിപ്പോർട്ടിൻ്റെ അടിസ്ഥാനത്തിൽ റെയിൽവേ പോലീസിൻ്റെ ചുമതലയുള്ള ഇൻ്റലിജൻസ് മേധാവി എഡിജിപി ടികെ വിനോദ് കുമാറാണ് നടപടിയെടുത്തത്.
മദ്യപിച്ച് ടിക്കറ്റില്ലാതെ യാത്ര ചെയ്ത യാത്രക്കാരനെ മാറ്റാൻ നിർദേശിച്ചത് ടിടിഇയാണെന്ന് റിപ്പോർട്ടിൽ പറയുന്നുണ്ട്. സ്ത്രീകളുടെ അടുത്ത് മദ്യലഹരിയിൽ ടിക്കറ്റില്ലാതെ ഇരുന്ന യാത്ര ചെയ്യുന്നയാളെ ചോദ്യം ചെയ്യുന്നതിൽ തെറ്റില്ല. എന്നാൽ മുഖത്തടിച്ചതും കോച്ചിലൂടെ വലിച്ചിഴച്ചതും ബൂട്ട് കൊണ്ട് നെഞ്ചിൽ ചവിട്ടിയതും മനുഷ്യത്വരഹിതമായ പ്രവർത്തിയാണെന്ന് റിപ്പോർട്ടിൽ പറയുന്നുണ്ട്. സഭവം നടക്കുമ്പോൾ ടിക്കറ്റ് പരിശോധനയിലായിരുന്നുവെന്നാണ് ടിടിഇ കുഞ്ഞുമുഹമ്മദിന്റെ വിശദീകരണം. സംഭവം നടക്കുമ്പോൾ ടിക്കറ്റ് പരിശോധനയിലായിരു. മദ്യപിച്ച ഒരാൾ റിസർവേഷൻ ബർത്തിൽ ഇരിക്കുന്നതായി സ്ത്രീ യാത്രക്കാർ പരാതിപ്പെട്ടിരുന്നതായും അദ്ദേഹം വ്യക്തമാക്കിയിട്ടുണ്ട്.
ഞായറാഴ്ച്ച രാത്രി മാവേലി എക്‌സ്പ്രസിൽ കണ്ണൂര്‍ റെയില്‍വേ സ്‌റ്റേഷനില്‍ ചുമതലയുണ്ടായിരുന്ന എഎസ്ഐ കെവി പ്രമോദാണ് യാത്രക്കാരനെതിരെ അതിക്രമം കാണിച്ചത്. ഈ ഉദ്യോഗസ്ഥന്റെ കൂടെ സിപിഒ രാഗേഷ് എന്ന പോലീസുകാരനുണ്ടായിരുന്നുവെങ്കിലും ഇയാള്‍ യാത്രക്കാരനെ മര്‍ദ്ദിക്കുന്നതിന് കൂട്ടു നില്‍ക്കുകയായിരുന്നു. യാത്രക്കാരനെ മര്‍ദ്ദിച്ചതിനു ശേഷമാണ് രാത്രിയില്‍ മറ്റൊരു റെയില്‍വേ സ്‌റ്റേഷനില്‍ ഉപേക്ഷിച്ചത്. ബഹളം കേട്ടത്തെിയ ഈ കംപാര്‍ട്ട്‌മെന്റില്‍ യാത്ര ചെയ്തിരുന്ന മറ്റു യാത്രക്കാര്‍ മര്‍ദ്ദിക്കരുതെന്നു ആവശ്യപ്പെട്ടുവെങ്കിലും ഇതുകേള്‍ക്കാതെ എഎസ്ഐ മര്‍ദിക്കുകയായിരുന്നു.
