കോൺഗ്രസ് ദുർബലമാകുമ്പോൾ ആ സ്ഥാനത്തേക്ക് മറ്റ് പാർട്ടികൾ വരും. എല്ലാ സ്ഥലത്തും ആ സ്ഥാനത്തേക്ക് ഇടതുപക്ഷത്തിന് വരാനാവില്ല. അതാണ് സിപിഐയുടെ നിലപാട്. സിപിഎമ്മിന് വ്യത്യസ്ത നിലപാട് കാണും, അതുകൊണ്ടല്ലേ ഞങ്ങൾ രണ്ട് പാർട്ടികളായി നിൽക്കുന്നതെന്നും സിപിഐ സംസ്ഥാന സെക്രട്ടറി ചോദിച്ചു.
Also Read :
ഇന്ത്യയൊട്ടാകെ ബിജെപിയെ എതിര്‍ക്കാന്‍ ഇടതുപക്ഷം ഉണ്ട്. എന്നാല്‍ കോണ്‍ഗ്രസ് ദുര്‍ബലമാകുമ്പോള്‍ എല്ലായിടത്തും ബദലായി ഇടതുപക്ഷം തന്നെ അവിടെ വരണമെന്നില്ല. മറ്റ് പലരും ആ സ്ഥാനത്ത് വന്നേക്കാം. ഒരു യാഥാര്‍ത്ഥ്യമാണ് പറഞ്ഞത്. കേരളത്തില്‍ ഇത് ബാധകമല്ലെന്ന് ബിനോയ് വിശ്വം തന്നെ പറഞ്ഞിട്ടുണ്ടെന്നും കാനം ചൂണ്ടിക്കാട്ടി.
പ്രാദേശിക പാര്‍ട്ടികളുമായി ചേര്‍ന്ന് ബദല്‍ ആവാന്‍ ഇടതുപക്ഷത്തിന് മാത്രമേ കഴിയുകയുള്ളൂവെന്ന് മുഖ്യമന്ത്രി പറഞ്ഞത് സിപിഐഎമ്മിന്‍റെ നിലപാടാണ്. മുഖ്യമന്ത്രി പോളിറ്റ് ബ്യൂറോ അംഗമാണ്. ബിനോയ് വിശ്വം സിപി ഐയുടെ കേന്ദ്ര സെക്രട്ടറിയേറ്റ് അംഗമാണ്. രണ്ട് പാര്‍ട്ടികളുടെ നിലപാടാണ് ഇവിടെ പറയുന്നത്. രണ്ട് പാര്‍ട്ടിയായത് കൊണ്ടാണല്ലോ രണ്ട് നിലപാട് പറഞ്ഞത്. അതുകൊണ്ട് യാതൊരു പ്രശ്‌നവും ഇല്ലെന്നും കാനം പറഞ്ഞു.
Also Read :
കഴിഞ്ഞദിവസം പിടി തോമസ് അനുസ്മരണ യോഗത്തിൽ സംസാരിക്കവെയായിരുന്നു കോണ്‍ഗ്രസ് തകര്‍ന്നാല്‍ ആ വിടവ് നികത്താനുള്ള കഴിവ് ഇടതുപക്ഷത്തിനില്ലെന്ന് ബിനോയ് വിശ്വം എംപി പറഞ്ഞത്. കോണ്‍ഗ്രസ് തകര്‍ന്നാല്‍ അവിടെ സംഘപരിവാര്‍ സംഘടനകള്‍ ശക്തിപ്പെടുമെന്നും അദ്ദേഹം പറഞ്ഞിരുന്നു. ഇക്കാര്യം ചർച്ചയായതോടെയാണ് കാനം രാജേന്ദ്രൻ പാർട്ടി നിലപാട് വ്യക്തമാക്കിയത്.
