ഇടപ്പള്ളി സിഗ്നലിൽ വാഹനങ്ങളുടെ കൂട്ടയിടി; 20 പേർക്ക്‌ പരിക്ക്‌

കൊച്ചി > ഇടപ്പള്ളിയിൽ വാഹനങ്ങൾ കൂട്ടിയിടിച്ച് 20 പേർക്ക് പരുക്കേറ്റു. ഇടപ്പള്ളിയിലെ സിഗ്നൽ ജങ്ഷനിലാണ് വാഹനാപകടം ഉണ്ടായത്. എറണാകുളം ഡിപ്പോയിലേക്ക് പോകുകയായിരുന്ന കെഎസ്ആർടിസി ബസാണ് അപകടത്തിൽ പെട്ടത്. ബസ് ഒരു മിനി ലോറിയില് ഇടിച്ച ശേഷം മിനിലോറി ശബരിമല തീർത്ഥാടകരുടെ വാഹനത്തിലേക്ക് ചെന്നിടിക്കുകയായിരുന്നു. അപകടത്തിൽ പരിക്കേറ്റവരെ ആശുപത്രിയിലേക്ക് മാറ്റി. കെഎസ്ആർടിസി ബസിന്റെ ബ്രേക്ക് നഷ്ടപ്പെട്ടതാണ് അപകടകാരണം.