വികസനം വിരട്ടലിലൂടെ തടയാമെന്നു കരുതേണ്ടെന്നായിരുന്നു മുഖ്യമന്ത്രിയുടെ വാക്കുകള്. “വികസന പദ്ധതികളെ ഉമ്മാക്കി കാട്ടി വിരട്ടാൻ നോക്കുന്നവരോടു ഒന്നേ പറയാനുള്ളൂ. ആ വിരട്ടലൊന്നും വേണ്ട, അതൊന്നും ചെലവാകുന്ന കാര്യമല്ല.” മുഖ്യമന്ത്രി പറഞ്ഞതായി മനോരമ റിപ്പോര്ട്ട് ചെയ്തു. അനാവശ്യമായ ദുര്വാശികളില്ലെന്നും എന്നാൽ നാട് മുന്നോട്ടു പോകണമെന്നും മുഖ്യമന്ത്രി പറഞ്ഞു. പ്രശ്നങ്ങള് എന്തെങ്കിലും ഉണ്ടെങ്കിൽ ചര്ച്ച ചെയ്യാമെന്നും അതിനു നല്ല രീതിയിലുള്ള പരിഹാര നടപടികള് സ്വീകരിക്കാമെന്നും മുഖ്യമന്ത്രി പറഞ്ഞു. ജനങ്ങളുടെ ജീവിതനിലവാരം വലിയ തോതിൽ മെച്ചപ്പെടേണ്ടതുണ്ടെന്നും അതിനായി ആവശ്യമായ പദ്ധതികള് വരണമെന്നും മുഖ്യമന്ത്രി വ്യക്തമാക്കി. ഇതിനായി എല്ലാവരുടെയും സഹായവും പിന്തുണയും ആവശ്യമാണെന്നും മുഖ്യമന്ത്രി കൂട്ടിച്ചേര്ത്തു.
Also Read:
സംസ്ഥാന സര്ക്കാര് വിഭാവനം ചെയ്യുന്ന കെ റെയിൽ സിൽവര്ലൈൻ സെമി ഹൈസ്പീഡ് റെയിൽവേ പദ്ധതിയ്ക്കെതിരെ യുഡിഎഫും ബിജെപിയും അടക്കമുള്ള പ്രതിപക്ഷ പാര്ട്ടികള് സമരവുമായി മുന്നോട്ടു പോകുന്നതിനിടെയാണ് മുഖ്യമന്ത്രിയുടെ വാക്കുകള്. സ്ഥലമേറ്റെടുപ്പിനു മുന്നോടിയായി പദ്ധതിയ്ക്ക് ആവശ്യമായ ഭൂമി അളന്നു തിട്ടപ്പെടുത്തുന്ന നടപടികളാണ് പുരോഗമിക്കുന്നത്. എന്നാൽ തിരുവനന്തപുരം മുതൽ കാസര്കോട് വരെ പൂര്ണമായും പുതുതായി നിര്മിക്കുന്ന സ്റ്റാൻഡേഡ് ഗേജ് പാത കേരളത്തെ പാരിസ്ഥിതികവും സാമ്പത്തികവുമായി തകര്ക്കുമെന്നാണ് പദ്ധതിയെ എതിര്ക്കുന്നവര് വിമര്ശിക്കുന്നത്. എന്നാൽ ശരാശരി 200 കിലോമീറ്റര് വേഗത്തിലുള്ള യാത്ര കേരളത്തിലെ ജീവിതനിലവാരം മെച്ചപ്പെടുത്തുമെന്നാണ് സംസ്ഥാന സര്ക്കാര് വാദിക്കുന്നത്. നിലവിലുള്ള റെയിൽപാത വികസിപ്പിച്ചാലും ഇത്രയും വേഗത്തിലുള്ള ഗതാഗതം സാധ്യമാകില്ലെന്നും സിപിഎം വ്യക്തമാക്കുന്നു.
Also Read:
സിപിഎം സമ്മേളനവേദിയിൽ കേന്ദ്രസര്ക്കാരിനും ബിജെപിയ്ക്കുമെതിരെ രൂക്ഷവിമര്ശനമാണ് മുഖ്യമന്ത്രി ഉന്നയിച്ചത്. കേന്ദ്രസര്ക്കാര് എന്തിനെയും വര്ഗീയതയ്ക്കുള്ള ആയുധമായാണ് കാണുന്നതെന്ന് അദ്ദേഹം പറഞ്ഞു. മതനിരപേക്ഷതയെ സംരക്ഷിക്കേണ്ട കേന്ദ്രസര്ക്കാര് അതു തകര്ക്കാൻ ശ്രമിക്കുകയാണെന്നും മതനിരപേക്ഷത ഭരണഘടന മൂലം ഉറപ്പു നൽകുന്ന രാജ്യത്ത് മതാടിസ്ഥാനത്തിൽ പൗരത്വം നൽകുമെന്ന് കേന്ദ്രം പ്രഖ്യാപിച്ചെന്നും മുഖ്യമന്ത്രി പറഞ്ഞു. പൗരത്വനിയമത്തിനെതിരെ അര നിമിഷം പോലും ആലോചിക്കാതെ ശബ്ദമുയര്ത്തിയത് കേരളമാണെന്ന് അദ്ദേഹം പറഞ്ഞു. വിവാഹ ചോമദനം ഒരു സിവിൽ കേസാണെന്നും എന്നാൽ അത് ഒരു വിഭാഗത്തിനു മാത്രം ക്രിമിനൽ കേസാക്കിയ സര്ക്കാരാണ് കേന്ദ്രത്തിലുള്ളതെന്നും മുഖ്യമന്ത്രി വിമര്ശിച്ചു.
