തിരുവനന്തപുരം: സംസ്ഥാനത്ത് പുതുവർഷത്തലേന്ന് റെക്കോഡ് മദ്യവിൽപ്പന. ഡിസംബർ 31 ന് സംസ്ഥാനത്തെ ബെവ്കോ ഔട്ലെറ്റുകൾവഴി മാത്രം വിറ്റത് 82.26 കോടി രൂപയുടെ മദ്യമാണ്. കഴിഞ്ഞ വർഷം ഇത് 70.55 കോടിയായിരുന്നു. 16 കോടിയുടെ വർദ്ധനവാണ് ഇത്തവണ.
പുതുവർഷത്തലേന്ന് ഏറ്റവും കൂടുതൽ മദ്യവിൽപന നടന്നത് തിരുവനന്തപുരം പവർഹൗസ് റോഡിലെ ഔട്ട്ലെറ്റിലാണ്. 96.06 ലക്ഷം രൂപയുടെ മദ്യമാണ് വിറ്റത്. ഇരിങ്ങാലക്കുടയിലെ ഔട്ട്ലെറ്റാണ് വിൽപ്പനയിൽ രണ്ടാം സ്ഥാനത്ത്. 72 ലക്ഷം രൂപയുടെ മദ്യമാണ് ഇവിടെ വിറ്റത്. കണ്ണൂരിലെ ഓട്ട് ലെറ്റിൽ 70 ലക്ഷം രൂപയുടെ മദ്യമാണ് വിറ്റത്.
Content Highlights:Record liquor sales on December 31 in Kerala
