ഷമി ലോകോത്തര ബൗളർ: കോഹ്‌ലി

സെഞ്ചൂറിയൻ
ഒന്നാം ടെസ്റ്റിൽ മികച്ച പ്രകടനം നടത്തിയ മുഹമ്മദ് ഷമിയെ വാഴ്ത്തി വിരാട് കോഹ്-ലി. -ഷമി ലോകോത്തര ബൗളറാണെന്ന് കോഹ്-ലി പറഞ്ഞു. ‘ഇത് മികച്ച തുടക്കമാണ്. സെഞ്ചൂറിയനിൽ ദക്ഷിണാഫ്രിക്കയ്ക്കെതിരെ കളിക്കുകയെന്നത് ദുഷ്കരമായിരുന്നു. എന്നാൽ, ആ വെല്ലുവിളി മറികടക്കാനായി. പേസർമാരുടെ പ്രകടനം അനുപമം. ഏത് സാഹചര്യത്തിലും പന്തെറിയാൻ കഴിയുന്നവർ. മുഹമ്മദ് ഷമി ലോകോത്തര ബൗളറാണ്. എന്നെ സംബന്ധിച്ചിടത്തോളം നിലവിൽ കളിക്കുന്ന ലോകത്തെ ഏറ്റവും മികച്ച മൂന്ന് പേസർമാരിൽ ഷമി ഉൾപ്പെടും.’