ന്യൂഡൽഹി > നീതി ആയോഗിന്റെ ദേശീയ ആരോഗ്യ സൂചികയില് കേരളം ഒന്നാമത്. അയല് സംസ്ഥാനമായ തമിഴ്നാട് പട്ടികയില് രണ്ടാം സ്ഥാനം സ്വന്തമാക്കി. നീതി ആയോഗിന്റെ ആരോഗ്യ സൂചിക പ്രകാരം ഏറ്റവും പിന്നില് ഉത്തര്പ്രദേശ് ആണ്. തെലങ്കാന ആണ് മൂന്നാമത്.
സാമൂഹ്യ സുരക്ഷാ മേഖലകളില് കേരളത്തിന്റെ മികച്ച പ്രകടനത്തെ അഭിനന്ദിച്ച് നീതി ആയോഗ് അംഗം ഡോ. വിനോദ് കുമാര് പോള് കഴിഞ്ഞ ദിവസം രംഗത്തെത്തിയിരുന്നു. സാമൂഹ്യ, ആരോഗ്യ, വിദ്യാഭ്യാസ മേഖലകളില് കേരളം മുന്പന്തിയിലാണെന്നും സുസ്ഥിര വികസന ലക്ഷ്യ സൂചികയില് മികച്ച നേട്ടമാണ് കേരളം കൈവരിച്ചതെന്നും വിനോദ് കുമാര് പറഞ്ഞു.
