കൊച്ചി : മലയാളിയെ ഇന്നും ചിരിപ്പിച്ചുകൊണ്ടിരിക്കുന്ന മോഹൻലാലിന്റെ ‘യോദ്ധാ’. കേരളവും നേപ്പാളും പശ്ചാത്തലമായ ചിത്രം മുപ്പതുവർഷമെത്തുമ്പോൾ സമാനതകളുമായി ഒരു മലയാള സിനിമ റിലീസിനൊരുങ്ങുന്നു – തിരിമാലി. ബിബിൻ ജോർജ്, ധർമ്മജൻ, ജോണി ആന്റണി എന്നിവർ പ്രധാനവേഷങ്ങളിൽ. നേപ്പാളി സിനിമയിൽ പ്രമുഖ താരങ്ങളും അണിനിരക്കുന്ന സിനിമ റാഫിയുടെ ശിഷ്യനായ രാജീവ് ഷെട്ടിയാണ് സംവിധാനം ചെയ്യുന്നത്. ശിക്കാരി ശംഭുവിനുശേഷം എസ്.കെ. ലോറൻസ് ആണ് തിരിമാലി നിർമ്മിക്കുന്നത്.
പുതുമയുളള കഥ ; ലക്ഷ്യം ചിരി മാത്രം
ബേബി എന്ന ലോട്ടറി കച്ചവടക്കാരന്റെ വേഷത്തിലാണ് ബിബിൻ ജോർജ്. കൂട്ടുകാരനായി ധർമ്മജൻ. നാട്ടിലെ പലിശക്കാരൻ അലക്സാണ്ടറായി ജോണി ആന്റണി. നാട്ടിലെ പ്രത്യേക സാഹചര്യത്തിൽ മൂവർക്കും നേപ്പാളിലേക്ക് പോകേണ്ടി വരുന്നു. നാട്ടിലും നേപ്പാളിലും ചിരിയുടെ പശ്ചാത്തലത്തിലാണ് തിരിമാലി കഥ പറയുന്നതെന്ന് തിരക്കഥാകൃത്ത് സേവ്യർ അലക്സ്. നായകന്റെ അച്ഛൻ വേഷത്തിലൂടെ ഇന്നസെന്റിന്റെ ശക്തമായ തിരിച്ചു വരവു കൂടിയാകും തിരമാലി . സലിംകുമാറും ഹരീഷ് കാണാരനും സുപ്രധാന വേഷങ്ങളിലുണ്ട്.
അന്ന രേഷ്മ രാജൻ ആണ് നായിക. അസീസ്, നസീർ സംക്രാന്തി, പൗളി വത്സൻ തുടങ്ങിയവരും പ്രധാനവേഷങ്ങളിലെത്തുന്നു. ലവ് ലവ് ലവ്, ചാക്ക പഞ്ച 2, ഓസ്കർ എൻട്രിയായി നേപ്പാളിൽ നിന്ന് പരിഗണിച്ച ബുൾബുൾ തുടങ്ങിയ സൂപ്പർ ഹിറ്റ് സിനിമകളിലൂടെ പ്രേക്ഷകരുടെ ഇഷ്ടം നേടിയ നേപ്പാളി സിനിമയിലെ സൂപ്പർ നായിക സ്വസ്തിമാ കട്ക, നേപ്പാളി താരങ്ങളായ യുവനടൻ ഉമേഷ് തമാങ് , മാവോത്സെ ഗുരുങ്ങും
എന്നിവരും ചിത്രത്തിൽ പ്രത്യക്ഷപ്പെടുന്നു.
നാലു പാട്ടുകളുള്ള തിരിമാലിയിൽ ശ്രീജിത്ത് എടവനയാണ് മൂന്നു പാട്ടുകൾക്ക് ഈണം നൽകിയത്. പ്രശസ്ത ബോളിവുഡ് ഗായിക സുനിതി ചൗഹാനാണ് ഈ ചിത്രത്തിലെ മറ്റൊരു ഗാനം ആലപിച്ചിരിക്കുന്നത്. ബിജിബാലാണ് ഈ ഗാനത്തിന്റെ സംഗീത സംവിധായകൻ. ടൈറ്റിൽ ഗാനം അഭിനേതാക്കളായ ബിബിനും ധർമ്മജനും ജോണി ആന്റണിയും ചേർന്ന് പാടുന്നു.
നേപ്പാളിലെ ഹിമാലയൻ താഴ് വരയിലെ ലുക്ളയിലും പൊക്കാറയിലും കാഠ്മണ്ഡുവിലും മണാലിയിലുമാണ് ചിത്രീകരിച്ചത്. എയ്ഞ്ചൽ മരിയ സിനിമാസിന്റെ ബാനറിൽ നിർമ്മാണം എസ്.കെ ലോറൻസ്. ക്യാമറ ഫൈസൽ അലിയും എഡിറ്റിങ് വി.സാജനും നിർവഹിക്കുന്നു. എക്സിക്യൂട്ടീവ് പ്രൊഡ്യൂസർ – നിഷാദ് കാസർകോട്. ബാദുഷയാണ് പ്രൊജക്റ്റ് ഡിസൈനർ. പ്രൊഡക്ഷൻ കൺട്രോളർ – ശ്രീകുമാർ ചെന്നിത്തല. സംസ്ഥാന പുരസ്കാരം നേടിയ ലിജു പ്രഭാകർ ( കളറിസ്റ്റ് ) , അജിത്ത് എം. ജോർജ് (മിക്സിങ് ) , കലാസംവിധാനം അഖിൽ രാജ് ചിറയിലും വസ്ത്രാലങ്കാരം ഇർഷാദ് ചെറുകുന്നും നിർവഹിക്കുന്നു. മേക്കപ്പ് – റോണക്സ് സേവ്യർ . പി.ആർ.ഒ – വാഴൂർ ജോസ് , മഞ്ജു ഗോപിനാഥ്. സ്റ്റിൽസ് – ഷാജാസ് അബാസ് . പോസ്റ്റർ ഡിസൈൻ- ഓൾഡ് മങ്ക്, മനു ഡാവിഞ്ചി.
