രഞ്ജിത്ത് വധക്കേസ് പ്രതികൾ തമിഴ്നാട്ടിലേക്ക് കടന്നിരിക്കാമെന്ന നിഗമനത്തിൽ നേരത്തെ പോലീസ് തെരച്ചിൽ നടത്തിയിരുന്നു. ഈ അന്വേഷണം കർണാടകത്തിലേക്ക് കൂടി വ്യാപിപ്പിക്കുകയാണെന്ന് ഏഷ്യാനെറ്റ് ന്യൂസാണ് റിപ്പോർട്ട് ചെയ്തത്. കൊലക്കേസ് പ്രതികൾക്ക് സംസ്ഥാനത്തിന് പുറത്തുനിന്നുള്ള പോപുലർ ഫ്രണ്ടിന്‍റെ സഹായം ലഭിക്കുന്നുണ്ടെന്ന നിഗമനത്തിലാണ് അന്വേഷണസംഘം.
Also Read :
ഡിജിറ്റൽ തെളിവുകളൊന്നും ലഭിക്കാത്തതാണ് രഞ്ജിത്ത് വധക്കേസ് അന്വേഷണത്തിൽ പോലീസിന് തിരിച്ചടിയാകുന്നത്. പ്രതികൾക്ക് സഹായം ചെയ്തവരെ കസ്റ്റഡിയിലെടുത്തിട്ടുണ്ടെങ്കിലും ഇവർക്ക് ഗൂഢാലോചനയിൽ എത്രത്തോളം പങ്കുണ്ടെന്ന് വ്യക്തമല്ല.
Also Read :
അതേസമയം ഷാൻ വധക്കേസ് അന്വേഷണം മുന്നോട്ട് പോകുന്നുണ്ട്. കേസിൽ കസ്റ്റഡിയിലും അറസ്റ്റിലുമായത് 11 പേരാണ്. കൃത്യത്തിൽ നേരിട്ട് പങ്കെടുത്ത അഞ്ച് പേരെയാണ് ഇന്നലെ അറസ്റ്റ് ചെയ്തത്. ജിഷ്ണു, വിഷ്ണു, അഭിമന്യു, അതുൽ, സാനന്ദ് എന്നിവരാണ് പിടിയിലായത്. രണ്ടര മാസത്തോളം സമയമെടുത്ത് നടത്തിയ ഗൂഢാലോചനയ്ക്കൊടുവിലാണ് എസ്ഡിപിഐ നേതാവിനെ കൊലപ്പെടുത്തിയതെന്നാണ് റിപ്പോർട്ട്. ആർഎസ്എസിന്‍റെ ഉന്നത നേതാക്കൾക്ക് ഗൂഢാലോചനയിൽ പങ്കുണ്ടെന്ന സംശയവും ശക്തമാണ്.
