പുതുവര്‍ഷം കെഎസ്ആർടിസിക്കൊപ്പം കടലിൽ ആഘോഷിക്കാം; ഒപ്പം മദ്യവും ഓഫര്‍

കൊച്ചി: പുതുവ‍‍ർഷം ആഡംബരപൂര്‍വം ആഘോഷിക്കാൻ സൗകര്യമൊരുക്കി കെഎസ്ആര്‍ടിസി. അറബിക്കടലിൽ ആഡംബരക്കപ്പലിൽ ആഘോഷിക്കുന്നതിനാണ് ഇത്തവണ കെഎസ്ആര്‍ടിസി സൗകര്യമൊരുക്കിയിരിക്കുന്നത്. കേരള ഇൻലാന്ഡ് നാവിഗേഷന്റെ കപ്പൽ വാടകയ്ക്കെടുത്താണ് പുതുവത്സരരാത്രി ആഘോഷിക്കുക.

Also Read :

ആഡംബര ക്രൂയിസ് കപ്പലായ നെഫർറ്റിറ്റി ആഘോഷിക്കുന്നതിന് ഒരാള്‍ക്ക് 4,499 രൂപയാണ് ടിക്കറ്റ് ചാര്‍ജ്ജായി ഈടാക്കുന്നത്. ഈ ടിക്കറ്റിൽ രണ്ട് പെഗ് മദ്യവും നൽകുമെന്ന ഓഫറും നൽകുന്നുണ്ടെന്ന് മാതൃഭൂമി റിപ്പോര്‍ട്ട് ചെയ്യുന്നു. അഞ്ച് മണിക്കൂറാണ് പുതുവത്സരം ആഘോഷിക്കുന്നതിന് ലഭിക്കുക.

കൊച്ചിയിൽ നിന്നുമാണ് ക്രൂയിസ് യാത്ര ആരംഭിക്കുന്നത്. മലപ്പുറം, കോഴിക്കോട്, തൃശ്ശൂര്‍ ജില്ലകളില്‍ നിന്നുമായി എ സി ബസുകളില്‍ യാത്രക്കാരെ എത്തിച്ചാണ് ക്രമീകരണം ഏര്‍പ്പെടുത്തിയിരിക്കുന്നത്. കൊച്ചി ബോള്‍ഗാട്ടി ജെട്ടിയിൽ നിന്നും ഡിസംബര്‍ 31ന് രാത്രി എട്ടുമണി മുതൽ ആളുകളെ കയറ്റും. രാത്രി ഒൻപത് മുതൽ പുലര്‍ച്ചെ രണ്ട് മണിവരെയാണ് പുതുവത്സര ആഘോഷങ്ങള്‍. ഇതിന് ശേഷം ബസുകളിലായി തിരികെ എത്തിക്കാനും സൗകര്യം ഒരുക്കിയിട്ടുണ്ട്.

Also Read :

യാത്രക്കാര്‍ക്ക് വലിയരീതിയിലുള്ള സൗകര്യങ്ങളാണ് ക്രൂയിസിയിൽ ഒരുക്കുന്നത്. ഡിസ്കോ, ലൈവ് വാട്ടർ ഡ്രംസ്, പവർ മ്യൂസിക് സിസ്റ്റം വിത്ത് വിഷ്വൽ ഇഫെക്ട്സ്, ഗെയിമുകൾ, ലൈവ് മ്യൂസിക്, നൃത്തം, മൂന്ന് കോഴ്സ് ബുഫെ ഡിന്നർ എന്നിവയും നൽകുന്നുണ്ട്.

ആഡംബര ക്രൂയിസിൽ കുട്ടികൾക്കായി കളിക്കാനുള്ള സൗകര്യങ്ങൾ, തീയേറ്റർ, തുറന്ന സൺഡെക്ക്, ഓൺബോർഡ് ലക്ഷ്വറി ബാർ എന്നിവയെല്ലാമുണ്ട്. അതേസമയം, മദ്യം പുറത്ത് നിന്നും വാങ്ങി വരുന്നതിന് വിലക്കുണ്ട്.

Also Read :

ആദ്യം രജിസ്റ്റർ ചെയ്യുന്ന 150 പേർക്കാണ് അവസരമൊരുക്കുന്നത്. രജിസ്റ്റർ ചെയ്യാൻ 9995090216, 9400467115 എന്നീ നമ്പരുകളിൽ ബന്ധപ്പെടുക.