പാഠപുസ്തകങ്ങളുടെ കുറവുണ്ടായത് എങ്ങനെയെന്നാണ് അന്വേഷണം. പുസ്തകം അച്ചടിക്കാൻ നൽകിയ കരാറ് സംബന്ധിച്ചും പരിശോധന നടക്കുന്നുണ്ട്. വിദ്യാഭ്യാസ മന്ത്രിയെ കൂടാതെ പ്ലാനിങ് മന്ത്രിയേയും ചോദ്യം ചെയ്യും. ഗദ്ദാഫിയുടെ കാലം മുതൽക്കെ അധ്യയന വര്ഷം ആരംഭിക്കുമ്പോൾതന്നെ വിദ്യാര്ത്ഥികൾക്ക് പാഠപുസ്തകം സൗജന്യമായി നൽകുന്ന പതിവുണ്ട്. സെപ്റ്റംബറിലാണ് ലിബിയയിൽ അധ്യയന വർഷം ആരംഭിക്കുക.
ഈ വര്ഷം വിദ്യാര്ത്ഥികൾക്ക് പാഠപുസ്തകം ഇതുവരെ വിതരണം ചെയ്തു കഴിഞ്ഞിട്ടില്ലെന്നാണ് കണ്ടെത്തൽ. ഓരോ ക്ലാസുകളിലും ഒന്നോ രണ്ടോ പുസ്തകം മാത്രമാണ് ലഭിച്ചത്. ഇതമൂലം പുസ്തകത്തിന്റെ ഫോട്ടോ കോപ്പിയെടുക്കാൻ വിദ്യാര്ത്ഥികൾ നിര്ബന്ധിതരായി.
പാഠ പുസ്തകത്തിന്റെ പകര്പ്പ് അമിത വിലയ്ക്ക് സ്വകാര്യ സ്റ്റേഷനറി സ്ഥാപനങ്ങൾ വിൽക്കുകയാണെന്ന് അന്വേഷണത്തിൽ കണ്ടെത്തി. പുസ്തകത്തിന്റെ പിഡിഎഫ് രൂപം വിദ്യാഭ്യാസ മന്ത്രാലയം തങ്ങളുടെ വെബ്സൈറ്റിൽ പ്രസിദ്ധപ്പെടുത്തിയിരുന്നു.
പാഠ്യപദ്ധതി പരിഷ്ക്കരിക്കുന്ന നടപടി വൈകുന്നതുമൂലമാണ് പുസ്തക വിതരണം തടസപ്പെട്ടത് എന്നാണ് വിദ്യാഭ്യാസ മന്ത്രാലയത്തിന്റെ വിശദീകരണം. മെഗരീഫിന്റെ അറസ്റ്റിനു മുമ്പാണ് മന്ത്രാലയം ഇക്കാര്യം വ്യക്തമാക്കിയത്. ലിബിയൻ പ്രസിഡന്റ് തെരഞ്ഞെടുപ്പിന് നാല് ദിവസം മുമ്പാണ് മന്ത്രിയെ അറസ്റ്റ് ചെയ്തിരിക്കുന്നത്.
