Also Read :
ഒന്നിലധികം വിവാഹം കഴിച്ച മുസ്ലീം ഭര്ത്താവ് ഭാര്യമാരെ തുല്യപരിഗണന നൽകി സംരക്ഷിക്കാത്തത് വിവാഹമോചനത്തിന് മതിയായ കാരണമാണെന്നാണ് ഹൈക്കോടതിയുടെ വിധി.
ഒന്നിലേറെ വിവാഹം കഴിച്ചാൽ ഭാര്യമാരെ തുല്യപരിഗണന നൽകി സംരക്ഷിക്കണമെന്നാണ് ഖുര്ആൻ പറയുന്നത്. അതിനുവിരുദ്ധമായി ഒരാളിൽനിന്ന് വേർപിരിഞ്ഞ് കഴിഞ്ഞാൽ വിവാഹമോചനം അനുവദിക്കാമെന്നാണ് കോടതി വ്യക്തമാക്കിയതെന്ന് മാതൃഭൂമിയുടെ റിപ്പോര്ട്ടിൽ പറയുന്നു.
Also Read :
കണ്ണൂര് തലശ്ശേരിയിൽ വിവാഹമോചനം തേടി കുടുംബകോടതിയിൽ നൽകിയ ഹര്ജി തള്ളിയതിനെതിരെ നൽകിയ അപ്പീൽ സ്വീകരിച്ചാണ് ഹൈക്കോടതി ഉത്തരവ്. മുസ്ലീം വിവാഹമോചന നിയമത്തിലെ സെക്ഷൻ 2(8) (എഫ്) പ്രകാരമാണ് വിവാഹമോചനം അനുവദിച്ചിരിക്കുന്നത്.
1991 ലായിരുന്നു ഇരുവരുടേയും വിവാഹം. പിന്നീട്, അഞ്ചുവർഷമായി ഭർത്താവ് അകന്നുകഴിയുകയാണ്. 2019 ലാണ് വിവാഹമോചന ഹർജി സമര്പ്പിച്ചത്. ഹര്ജിയിൽ ഭര്ത്താവ് 2014 മുതൽ തന്റെ അടുക്കലേക്ക് വരാറില്ലെന്നും ഹര്ജിയിൽ ചൂണ്ടിക്കാണിച്ചായിരുന്നു വിവാഹമോചന ഹര്ജി സമർപ്പിച്ചത്.
Also Read :
അതേസമയം, ഹർജിക്കാരി ശാരീരികബന്ധത്തിന് സമ്മതിക്കുന്നില്ലെന്നും അതിനാലാണ് രണ്ടാമത് വിവാഹം കഴിച്ചതെന്നുമായിരുന്നു ഭർത്താവിന്റെ വാദം. എന്നാൽ, മൂന്ന് കുട്ടികളുള്ളത് ചൂണ്ടിക്കാട്ടി ആ വാദം കോടതി തള്ളി. അതിന് പുറമെ, വൈവാഹിക ബന്ധത്തിലെ കടമകൾ നിർവഹിക്കുന്നതിൽ ഭർത്താവാണ് വീഴ്ചവരുത്തിയതെന്നും കോടതി വിലയിരുത്തുകയായിരുന്നു.
Also Read :
ഭാര്യക്ക് ചെലവിന് പണം നൽകി എന്നത് വൈവാഹിക കടമ നിർവഹിച്ചതിന് തുല്യമായി കണ്ട കുടുംബകോടതിയുടെ നിഗമനം തെറ്റാണെന്നും കോടതി വിലയിരുത്തിയതെന്നും മാധ്യമറിപ്പോര്ട്ടിൽ പറയുന്നു.
