വിൻഡീസ്‌ ടീമിൽ വീണ്ടും കോവിഡ്

കറാച്ചി
പാകിസ്ഥാൻ പര്യടനത്തിലുള്ള വെസ്റ്റിൻഡീസ് ടീമിൽ കോവിഡ് വ്യാപനം. പുതുതായി അഞ്ചുപേർക്കുകൂടി രോഗം സ്ഥിരീകരിച്ചു. ഷായ് ഹോപ്, അക്കീൽ ഹൊസൈൻ, ജസ്റ്റിൻ ഗ്രീവ്സ് എന്നീ താരങ്ങൾക്കും രണ്ട് പരിശീലകർക്കുമാണ് കോവിഡ്. നേരത്തേ ഷെൽഡൺ കൊട്രെൽ, റോസ്റ്റൺ ചേസ്, കൈൽ മെയേർസ് എന്നിവർ രോഗത്തെ തുടർന്ന് ടൂർണമെന്റിൽനിന്ന് പുറത്തായിരുന്നു. രോഗവ്യാപനത്തിനിടെയും മൂന്നാം ട്വന്റി–-20 മത്സരം അരങ്ങേറി. പരമ്പര പാകിസ്ഥാൻ നേടി.