ഫുഡ് സർവീസ് കമ്പനിയുടെ പുതിയ റീഫണ്ട് പോളിസിയിലെ പഴുതുകൾ കണ്ടെത്തിയാണ് ചില ഉപഭോക്താക്കൾ ഇത്തരത്തിൽ പണം തിരികെ നേടുന്നത്. മാഞ്ചസ്റ്റർ ഈവനിംഗ് ന്യൂസ് റിപ്പോർട്ട് ചെയ്യുന്നതനുസരിച്ച് ജസ്റ്റ് ഈറ്റ് ആപ്പിലൂടെ ഓർഡർ ചെയ്യുന്നവരാണ് ഇത്തരത്തിൽ വിചിത്രമായ കാരണങ്ങൾ നിരത്തി പണം തിരികെ വാങ്ങുന്നത്.
അടുത്തകാലം വരെ ഒരു റീഫണ്ട് അഭ്യർത്ഥന വന്നാൽ ആപ്പ് ഭക്ഷണം പാർസൽ ചെയ്ത ഹോട്ടലുമായി സംസാരിച്ച ശേഷം പരാതി ശരിയാണോ എന്നുറപ്പാക്കിയ ശേഷം മാത്രമേ പണം തിരികെ നൽകിയിരുന്നുള്ളു. എന്നാൽ ഊബർ ഈറ്റ്സ്, ഡെലിവെറോ പോലുള്ള മറ്റ് ഓൺലൈൻ ഭക്ഷണ സേവനങ്ങളെക്കാൾ ഒരുപടി മുന്നിൽ നിൽക്കാൻ ഇപ്പോൾ റീഫണ്ട് ആവശ്യപ്പെട്ടാൽ ആപ്പ് ഉടൻ പണം തിരികെ നൽകും. പിന്നീട് ഭക്ഷണം പാർസൽ ചെയ്ത ഹോട്ടലിന് പരാതി അന്വേഷിക്കാൻ 30 ദിവസത്തെ സമയം ലഭിക്കും എന്നാണ് പുതിയ ചട്ടം. ഇതാണ് പല ഉപഭോക്താക്കളും ദുരുപയോഗപ്പെടുത്തുന്നത്.
ഈ നയത്തിന്റെ ബുദ്ധിമുട്ട് വഹിക്കുന്നത് ആപ്പുമായി ചേർന്ന് പ്രവർത്തിക്കുന്ന ഹോട്ടൽ ഉടമകളാണ്‌. മൂലം പണം തിരികെ നൽകേണ്ടി വന്ന ഓൾഡ്ഹാമിലെ ലക്കിസ് ഡൈനർ റെസ്റ്റോറന്റ് ഉടമ ഹസൻ ഹബീബ് വിചിത്രമായ റീഫണ്ട് അഭ്യർത്ഥനകളുമായി ഉപഭോക്താക്കൾ കുമിഞ്ഞുകൂടുന്നതായി പരാതിപ്പെടുന്നു.
uk restaurant forced to pay refund to customer who claimed ice cream is too cold
ചിലപ്പോൾ തെറ്റുകൾ സംഭവിക്കാറുണ്ട് എന്നും അത്തരം സാഹചര്യങ്ങളിൽ തങ്ങളുടെ ഉപഭോക്താക്കൾക്ക് പകരം ഭക്ഷണമോ പൂർണ്ണമായി അർഹമായ റീഫണ്ടോ നൽകിക്കൊണ്ട് അത് പരിഹരിക്കാൻ ശ്രമിക്കാറുണ്ടെന്നും ഹബീബ് സമ്മതിച്ചു. എന്നാൽ “ചില മോശം കസ്റ്റമേഴ്സ്” ഈ പഴുതിനെ ദുരുപയോഗം ചെയ്തു തങ്ങളുടെ ബിസിനസിനെ നശിപ്പിക്കുകയാണ് എന്ന് ഹബീബ് പറയുന്നു.
