സുകുമാരക്കുറുപ്പിന്റെ ലുക്ക് മൂലമാണ് പലരെയും പോലീസ് പിടിച്ചത്. എന്നാൽ ഒരേ ആളെ പല തവണ സുകുമാരക്കുറപ്പാണ് എന്ന് തെറ്റിദ്ധരിച്ച് പിടിച്ചതായി റിപ്പോർട്ടുകളില്ല. ചൈനയിൽ അതെ സമയം ഒരാൾക്ക് ഇത്തരമായൊരു അനുഭവമുണ്ടായി. മൂന്ന് ദിവസത്തിനിടെ അഞ്ച് തവണയാണ് ഈ വ്യക്തിയെ പോലീസ് കുപ്രസിദ്ധ കുറ്റവാളി എന്ന് തെറ്റിദ്ധരിച്ച് അറസ്റ്റ് ചെയ്തത്.
വടക്കുകിഴക്കൻ ചൈനയിലെ ജിലിൻ പ്രവിശ്യയിലെ ബൈചെങ്ങിൽ നിന്നാണ് സംഭവം റിപ്പോർട്ട് ചെയ്തത്. ഉത്തരകൊറിയയിൽ നിന്നുള്ള കുറ്റവാളിയായ സു സിയാൻജിയാൻ ചൈനീസ് ജയിലിൽ നിന്നാണ് രക്ഷപെട്ടത്. ഒക്ടോബർ 18-ന് ജയിലിൽ നിന്ന് ചാടിപ്പോയ സു സിയാൻജിയാൻ എവിടെയാണെന്ന് വിവരം നൽകുന്നവർക്ക് പോലീസ് 150,000 യുവാൻ (17.81 ലക്ഷം രൂപ) പാരിതോഷികം പ്രഖ്യാപിച്ചിരുന്നു. പിന്നീട് ഇത് 700,000 യുവാൻ (83.13 ലക്ഷം രൂപ) ആയി ഉയർത്തി എന്ന് ഗ്ലോബൽ ടൈംസ് റിപ്പോർട്ട് ചെയുന്നു.
പിന്നീട് നടന്ന അന്വേഷണത്തിലാണ് സു സിയാൻജിയാന് സമാനമായ മുഖമുള്ള വ്യക്തി പിടിയിലാവുന്നത്. മുടി വെട്ടിയിരിക്കുന്ന രീതിയും മുഖത്തിന്റെ ഭാവവും കൊടുംകുറ്റവാളിയുടേതിന് സമാനമായയോടെ പേര് വെളിപ്പെടുത്താത്ത യുവാവ് പോലീസ് പിടിയിലായി. എന്നാൽ യഥാർത്ഥ കുറ്റവാളി അല്ല എന്നുറപ്പായതോടെ യുവാവിനെ പോലീസ് വെറുതെ വിട്ടു. പക്ഷെ പിന്നീട് പൊതു ഇടങ്ങളിൽ പോകുമ്പോഴെല്ലാം ജനങ്ങൾ യുവാവിനെ കുറ്റവാളി എന്ന് തെറ്റിദ്ധരിച്ച് പോലീസിനെ വിളിക്കാൻ തുടങ്ങി. ഓരോ തവണയും നിരപരാധി എന്ന് തെളിയുമ്പോൾ യുവാവിനെ പോലീസ് വെറുതെ വിടും. ഇത്തരത്തിൽ മൂന്ന് ദിവസത്തിന്റെ അഞ്ച് തവണയാണ് യുവാവ് പോലീസ് സ്റ്റേഷനിൽ കയറി ഇറങ്ങിയത്.
40 ദിവസത്തോളം പോലീസിനെ വെട്ടിച്ച ശേഷം നവംബർ 28-നാണ് ഷുവിനെ വീണ്ടും പിടികൂടിയത്. ഇതോടെ ഇനി സമാധാനത്തതോടെ പുറത്തിറങ്ങാൻ എന്നായി യുവാവിന്.
2013ൽ ഉത്തരകൊറിയയിൽ നിന്ന് രക്ഷപ്പെട്ട ശേഷം ചൈനയിലേക്കുള്ള അനധികൃത പ്രവേശനം, മോഷണം, കവർച്ച എന്നീ കുറ്റങ്ങൾ ചുമത്തി ജിലിൻ നഗരത്തിലെ ജയിലിൽ ശിക്ഷ അനുഭവിക്കുകയായിരുന്നു ഷൂ. 2023ൽ ജയിൽ മോചിതനാവാനിരിക്കെയാണ് ഷൂ ജയിൽ ചാടിയത്.
