കൊച്ചി: പെരുമ്പാവൂരിൽ ഓട്ടത്തിനിടെ കാറിന് തീപിടിച്ചു. പെരുമ്പാവൂർ വട്ടകാട്ടുപടിക്ക് സമീപം എം.സി.റോഡിൽ അയ്യമ്പുഴയിൽ നിന്നും പുല്ലുവഴിയിലേക്ക് പോവുകയായിരുന്ന ടാറ്റ ഇൻഡിക്കക കാറിനാണ് തീപിടിച്ചത്.
രാവിലെ 7.45 നാണ് സംഭവം. ഷോർട്ട് സർക്യൂട്ട് മൂലമാണ് തീ പിടിച്ചത്. അയ്യമ്പുഴ സ്വദേശി ധനേഷ് മoത്തിപറമ്പിൽ എന്നയാളുടേതാണ് കാർ.
പെരുമ്പാവൂർ അഗ്നിരക്ഷാ നിലയം സ്റ്റേഷൻ ഓഫീസർ എൻ.എച്ച്. അസൈനാരുടെ നേതൃതത്തിൽ സേനാംഗങ്ങളായ സുനിൽ മാത്യു, ബെന്നി മാത്യു, യു. ഉജേഷ്, ടി.ബി.മിഥുൻ, കെ.കെ.ബിജു, ബെന്നി ജോർജ്ജ് എന്നിവർ ചേർന്ന് തീ അണച്ചു.
Content Highlights:Car catches fire in Perumbavoor
