Also Read:
ജൂനിയര്‍ റെസിഡന്റ് ഡോക്ടര്‍മാരെ 2 ദിവസത്തിനുള്ളില്‍ നിയമിക്കുമെന്ന ഉറപ്പാണ് മന്ത്രി നല്‍കിയിരിക്കുന്നത്. സര്‍ക്കാര്‍ ഡോക്ടര്‍മാര്‍ക്കൊപ്പമെന്ന് വീണാ ജോര്‍ജ് നേരത്തെ പ്രതികരിച്ചിരുന്നു. സമരം നടത്തുന്ന പിജി ഡോക്ടര്‍മാരുടെ ആവശ്യം ന്യായമാണ്. സംസ്ഥാനത്തിന് എന്തു ചെയ്യാനാകുമെന്ന് പരിശോധിക്കുമെന്നും വീണാ ജോര്‍ജ് പറഞ്ഞു.
നീറ്റ്- പിജി പ്രവേശനം നീളുന്നതിന് എതിരെ ആയിരുന്നു സമരം. പിജി അഡ്മിഷന്‍ വൈകിയതിന് കാരണം ഉണ്ടായ ഡോക്ടര്‍മാരുടെ കുറവും അമിതജോലി ഭാരവും ആണ് സമരത്തിന് കാരണമായത്. ആറ് മാസം വൈകിയ മെഡിക്കല്‍ പിജി അലോട്ട്‌മെന്റ് സുപ്രിം കോടതി വീണ്ടും നാല് ആഴ്ച കൂടി നീട്ടിയതില്‍ പ്രതിഷേധിച്ചായിരുന്നു സമരം.
Also Read:
കേന്ദ്ര സര്‍ക്കാര്‍ മുന്നാക്ക സംവരണം നടപ്പിലാക്കുമ്പോഴുള്ള വരുമാന പരിധി നിശ്ചയിക്കുന്നത് വൈകിയതിനെ തുടര്‍ന്നാണ് സുപ്രിം കോടതി അലോട്ട്‌മെന്റ് നീട്ടിയത്. ഇതിനെതിരെ ഒരാഴ്ചയായി മെഡിക്കല്‍ പിജി വിദ്യാര്‍ഥികള്‍ രാജ്യവ്യാപകമായി പ്രതിഷേധത്തിലാണ്. പ്രതിഷേധത്തെ അനുകൂലിച്ചാണ് കേരളത്തിലും ഡോക്ടര്‍മാരുടെ സമരം നടന്നത്.
