Also Read:
മികച്ച ചികിത്സ നല്‍കി കാഴ്ചയുടെ ലോകത്തെത്തിച്ച മെഡിക്കല്‍ കോളജിലെ മുഴുവന്‍ ടീം അംഗങ്ങളെയും ആരോഗ്യമന്ത്രി വീണാ ജോര്‍ജ് അഭിനന്ദിച്ചു. ഈ പ്രായത്തിലുള്ള ആളുടെ ശസ്ത്രക്രിയ നടത്തി വിജയിപ്പിച്ച ഡോക്ടര്‍മാര്‍ മാതൃകയാണെന്നും ഇത്രയും ആത്മവിശ്വാസമുള്ള രവി എല്ലാവര്‍ക്കും പ്രചോദനമാണെന്നും ആരോഗ്യമന്ത്രി പറഞ്ഞു.
രണ്ടു കണ്ണുകളിലും യുവിയൈറ്റിസും തിമിരവും ബാധിച്ച് രവിയുടെ കാഴ്ച കാഴ്ച നഷ്ടപ്പെട്ട അവസ്ഥയില്‍ ആയിരുന്നു. ഈ സമയത്താണ് രവി മഞ്ചേരി മെഡിക്കല്‍ കോളജ് നേത്ര രോഗവിഭാഗത്തില്‍ എത്തിയത്. അദ്ദേഹത്തിന്റെ പ്രായവും മറ്റ് അസുഖങ്ങളും ശസ്ത്രക്രിയയ്ക്ക് വെല്ലുവിളി ഉണ്ടാക്കിയിരുന്നു.
Also Read:
ഒരേ ദിവസമാണ് രണ്ടു കണ്ണുകളുടെയും ശസ്ത്രക്രിയ നടത്തിയത്. നേത്രരോഗ വിഭാഗം മേധാവി ഡോ. രജനിയുടെ നേതൃത്വത്തിലാണ് ശസ്ത്രക്രിയ നടത്തിയത്. നേത്രരോഗ വിഭാഗം അസിസ്റ്റന്റ് പ്രഫസര്‍ ഡോ പി എസ് രേഖ, അനസ്‌തേഷ്യ വിഭാഗം മേധാവി ഡോ വീണാ ദത്ത്, അസിസ്റ്റന്റ് പ്രഫസര്‍ ഷുഹൈബ് അബൂബക്കര്‍ എന്നിവരും ശസ്ത്രക്രിയയ്ക്ക് ഒപ്പം ഉണ്ടായിരുന്നു.
“മഞ്ചേരി മെഡിക്കല്‍ കോളേജ്, നേത്രരോഗ വിഭാഗം ഇന്ന് പലവിധ ആധുനിക ചികിത്സ രീതികളും ശാസ്ത്രക്രിയകളും സാധാരണക്കാര്‍ക്കുവേണ്ടി നടത്തി വരുന്നു. പ്രമേഹരോഗികളില്‍ കണ്ടുവരുന്ന റെറ്റിനോപ്പതിക്ക് വേണ്ടിയുള്ള ഒസിടി സ്‌കാന്‍, ലേസര്‍ ചികിത്സ എന്നിവ കൂടാതെ കൊങ്കണ്ണ്, പോളകളുടെ ബലക്കുറവ് മൂലം ഉണ്ടാകുന്ന ‘ടോസിസ്’, തിമിരത്തിനു കുത്തിവെപ്പില്ലാതെയുള്ള താക്കോല്‍ദ്വാര ശസ്ത്രക്രിയ എന്നിവ നേത്രരോഗ വിഭാഗത്തില്‍ വിജയകരമായി നടത്തി വരുന്നു. ഈ വിഭാഗത്തില്‍ ബിരുദാനന്തര ബിരുദ കോഴ്‌സിന്റെ സീറ്റുകള്‍ക്കായി നാഷണല്‍ മെഡിക്കല്‍ കൗണ്‍സിലിന്റെ അംഗീകാരം ലഭിച്ചത് മറ്റൊരു നേട്ടമാണ്. മഞ്ചേരി മെഡിക്കല്‍ കോളേജില്‍ പി.ജി കോഴ്‌സുകള്‍ ആരംഭിക്കുന്നത് ഇതാദ്യമായാണ്”, മന്ത്രി ഫേസ്ബുക്കില്‍ കുറിച്ചു.
